നസ്രിയ നായികയായി എത്തുന്ന ആദ്യ തെലുങ്ക് ചിത്രമാണ് അണ്ടേ സുന്ദരാനികി. തെലുങ്ക് സൂപ്പർതാരം നാനി നായകനായി എത്തുന്ന ചിത്രത്തിലെ ടീസർ പുറത്തുവിട്ടിരിക്കുകയാണ്. നസ്രിയയെ പരിചയപ്പെടുത്തുന്നതാണ് ടീസർ. ലീല തോമസ് എന്ന കഥാപാത്രമായാണ് ചിത്രത്തിൽ നസ്രിയ എത്തുന്നത്.
ഞങ്ങളുടെ ലീല തോമസിനെ കാണൂ, അണ്ടേ സുന്ദരാനികിയുടെ ഹൃദയം- എന്നാണ് ടീസർ പങ്കുവച്ചുകൊണ്ട് നാനി കുറിച്ചത്. ചിത്രത്തിൽ നാദിയ മൊയ്ദുവാണ് നസ്രിയയുടെ അമ്മയായി എത്തുന്നത്. കാമറ സെറ്റ് ചെയ്ത് തന്റെ കുടുംബത്തിനൊപ്പം ഫോട്ടോ എടുക്കുന്ന ലീല തോമസിനെയാണ് ട്രെയിലറിൽ കാണുന്നത്.
വിവേക് അത്രേയ ആണ് സംവിധാനം. മൈത്രി മൂവി മേക്കേര്സ് ആണ് നിർമാണം. ജൂൺ 10ന് ചിത്രം റിലീസ് ചെയ്യും. മലയാളി താരം തൻവി റാം ചിത്രത്തിലൊരു പ്രധാനവേഷത്തിലെത്തുന്നുണ്ട്. നാദിയ മൊയ്തു, രാഹുൽ രാമകൃഷ്ണ, സുഹാസ് എന്നിവരാണ് മറ്റ് താരങ്ങൾ. ഫഹദ് ഫാസിലുമായുള്ള വിവാഹശേഷം നസ്രിയ സിനിമയിൽ അത്ര സജീവമല്ല. അതിനാൽ താരത്തിന്റെ ആദ്യ തെലുങ്ക് ചിത്രത്തെ ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ