ചെന്നൈ: സണ്‍ പിക്‌ചേഴ്‌സ് നിര്‍മ്മിച്ച് വിജയ് നായകനായി അഭിനയിച്ച സിനിമയാണ് ബീസ്റ്റ്. ഇതിലെ ചില രംഗങ്ങള്‍ സാമാന്യയുക്തിക്ക് നിരക്കുന്നതല്ലെന്ന് സമൂഹമാധ്യമങ്ങളില്‍ വിമര്‍ശനമുണ്ട്. 'എനിക്കും ഒരുപാട് ചോദ്യങ്ങളുണ്ട്' എന്ന തലക്കെട്ടോടെ ഈ സിനിമയിലെ ഒരു രംഗം പങ്കുവെച്ചുകൊണ്ട് ഒരു വ്യോമസേന പൈലറ്റിന്റെ ട്വീറ്റാണ് ഏറെ ചര്‍ച്ചയാകുന്നത്.
വിജയ് റോ ഏജന്റിന്റെ വേഷത്തിലെത്തിയ സിനിമയില്‍ പാകിസ്ഥാനില്‍ നിന്നും തീവ്രവാദിയെ ഫൈറ്റര്‍ ജെറ്റില്‍ കടത്തിക്കൊണ്ടു വരുന്ന രംഗമാണ് ഐഎഎഫ് പൈലറ്റ് പങ്കുവെച്ചിട്ടുള്ളത്. വിജയ് തന്നെയാണ് ഫൈറ്റര്‍ ജെറ്റിന്റെ പൈലറ്റ്. പാകിസ്ഥാന്‍ സൈന്യം ഫൈറ്റര്‍ ജെറ്റില്‍ നിന്ന് വിജയിന്റെ ഫൈറ്റര്‍ ജെറ്റിന് നേരേ മിസൈല്‍ വിടുമ്പോള്‍ അനായാസേന വിജയ് വിമാനം വെട്ടിച്ച് ഒഴിഞ്ഞു മാറുന്നതും കാണാം.
ഐഎഎഫ് പൈലറ്റിന്റെ ട്വീറ്റ്, നിരവധി പേര്‍ റീ ട്വീറ്റ് ചെയ്തിട്ടുണ്ട്. വിജയ് സിനിമകള്‍ തെരഞ്ഞെടുക്കുമ്പോള്‍ കുറച്ചുകൂടി സൂക്ഷ്മത പുലര്‍ത്തണമെന്നാണ് ഒരു കൂട്ടര്‍ അഭിപ്രായപ്പെടുന്നത്. അതേസമയം ഇത് സിനിമയായി കണ്ടാല്‍ മതിയെന്നും, ഇത്തരം രംഗങ്ങളില്‍ അഭിനയിച്ചതിന്റെ പേരില്‍ നടനെ കുറ്റപ്പെടുത്തുന്നതില്‍ അര്‍ത്ഥമില്ലെന്നുമാണ് മറുവിഭാഗത്തിന്റെ വാദം. 150 കോടി ബജറ്റില്‍ തയ്യാറാക്കിയ ബീസ്റ്റ് സംവിധാനം ചെയ്തത് നെല്‍സണ്‍ ദിലീപ് കുമാറാണ്.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
