ബെംഗളൂരു: കർണാടകത്തിലെ ഹംപിയിൽ കച്ചേരിക്കിടെ പ്രശസ്ത ഗായകൻ കൈലാഷ് ഖേറിന് നേരെ കുപ്പിയേറ്. കച്ചേരിയിൽ കന്നഡ ഗാനം പാടിയില്ലെന്ന് ആരോപിച്ചായിരുന്നു കുപ്പിയേറ്. സംഭവത്തിൽ പ്രദേശവാസികളായ പ്രദീപ്, സുരാഹ് എന്നിവരെ പൊലീസ് അറസ്റ്റ് ചെയ്‌തു. ഇവർ എറിഞ്ഞ കുപ്പി കൈലാഷിന്റെ പിറകിലാണ് വീണത്.
എന്നാൽ പ്രതിഷേധം വകവെക്കാതെ അദ്ദേഹം കച്ചേരി തുടർന്നു. സംഘാടകരെത്തിയാണ് സ്റ്റേജിൽ നിന്നും കുപ്പികൾ എടുത്തുമാറ്റിയത്.
മൂന്ന് ദിവസമായി നടത്തുന്ന ഹംപി ഉത്സവത്തിന്റെ സമാപന ചടങ്ങിനിടെയായിരുന്നു സംഭവം. വിജയനഗരസാമ്രാജ്യത്തിന്റെ പാരമ്പര്യ അനുസ്മരണത്തിന് എല്ലാവർഷവും കർണാടക സർക്കാരാണ് ഹംപി ഉത്സവം സംഘടിപ്പിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
