ആ നിമിഷം പിറന്നിട്ട് 30 വർഷം, ഓർമ്മ പങ്കുവച്ച് സുസ്മിത സെൻ

ജീവിതത്തിലെ ഏറ്റവും നിഷ്കളങ്കവും എന്നാൽ ആഴമേറിയതുമായ പാഠങ്ങൾ പഠിപ്പിച്ചത് അവളാണ്.
Sushmita Sen
സുസ്മിത സെൻ instagram

ഇന്ത്യൻ സൗന്ദര്യ സങ്കൽപ്പങ്ങളുടെ വേറിട്ട മുഖമായിരുന്നു സുസ്മിത സെന്നിന്റേത്. 1994 ൽ മിസ് യൂണിവേഴ്സ് ആയി തിരഞ്ഞെടുക്കപ്പെടുമ്പോൾ വെറും 18 വയസ് മാത്രമായിരുന്നു സുസ്മിതയുടെ പ്രായം. ഇപ്പോഴിതാ വിശ്വസുന്ദരിപ്പട്ടം നേടി 30 വർഷം തികയുമ്പോൾ തന്റെ മകൾ റെനിയ്ക്കൊപ്പമുള്ള ഓർമ്മ പങ്കുവച്ചിരിക്കുകയാണ് താരം.

"എനിക്ക് 18 വയസുള്ളപ്പോഴാണ് ഒരു അനാഥാലയത്തിൽ വച്ച് ഈ കൊച്ചു പെൺകുട്ടിയെ ഞാൻ കാണുന്നത്. ജീവിതത്തിലെ ഏറ്റവും നിഷ്കളങ്കവും എന്നാൽ ആഴമേറിയതുമായ പാഠങ്ങൾ പഠിപ്പിച്ചത് അവളാണ്. ആ പാഠങ്ങളിലൂടെയാണ് ഞാൻ ഇന്നും ജീവിക്കുന്നത്.

ഈ നിമിഷം പകർത്തിയിട്ട് 30 വർഷം തികയുന്നു, മിസ് യൂണിവേഴ്സിൽ ഇന്ത്യയുടെ ആദ്യ വിജയവും. എന്തൊരു യാത്രയായിരുന്നു, അത് തുടർന്നു കൊണ്ടിരിക്കുന്നു...എന്റെ ഏറ്റവും വലിയ ശക്തിയും ഐഡന്റിറ്റിയും ആയതിന് ഇന്ത്യയ്ക്ക് നന്ദി.

ഒരിക്കലും അവസാനിക്കാത്ത സ്നേഹ​ത്തിന് ഫിലിപ്പീൻസിനും നന്ദി. ലോകമെമ്പാടുമുള്ള എൻ്റെ എല്ലാ പ്രിയപ്പെട്ട ആരാധകരും, സുഹൃത്തുക്കളും, കുടുംബാംഗങ്ങളും, അഭ്യുദയകാംക്ഷികളും... അറിയുക, നിങ്ങൾ ഓരോരുത്തരും എൻ്റെ ജീവിതത്തിൽ ഒരു മാറ്റമുണ്ടാക്കി, നിങ്ങൾ പോലുമറിയാതെ നിങ്ങളെനിക്ക് പ്രചോദനമായി!! സ്നേഹം ഞാനറിയുന്നു! നന്ദി" - എന്നാണ് സുസ്മിത കുറിച്ചിരിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

Sushmita Sen
'എൽസിയു'വിന്റെ തുടക്കം എങ്ങനെ ? വരുന്നു ലോകേഷിന്റെ ഹ്രസ്വ ചിത്രം പിള്ളൈയാർ സുഴി

നിരവധി പേരാണ് സുസ്മിതയുടെ കുറിപ്പിന് കമന്റുമായെത്തിയിരിക്കുന്നത്. അലിഷ എന്ന് പേരുള്ള മറ്റൊരു മകൾ കൂടിയുണ്ട് സുസ്മിതയ്ക്ക്. ഡിസ്നി പ്ലസ് ഹോട്ട് സ്റ്റാറിലൂടെയെത്തിയ ആര്യ സീസൺ 3 എന്ന വെബ് സീരിസാണ് സുസ്മിതയുടേതായി ഒടുവിൽ പ്രേക്ഷകരിലേക്കെത്തിയത്. താലി എന്ന ചിത്രമാണ് സുസ്മിതയുടേതായി അണിയറയിൽ ഒരുങ്ങുന്ന ചിത്രം.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com