ചെന്നൈ:മലയാള സിനിമയില് കാസ്റ്റിങ് കൗച്ച് അടക്കം ലൈംഗിക ചൂഷണങ്ങളുണ്ടെന്ന ഞെട്ടിപ്പിക്കുന്ന വെളിപ്പെടുത്തലുകള് അടങ്ങിയ ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെ, ലൈംഗിക അതിക്രമങ്ങളില് നടപടിയുമായി തമിഴ് സിനിമാ താരങ്ങളുടെ സംഘടനയായ നടികര് സംഘം. ലൈംഗിക അതിക്രമ പരാതികള് അന്വേഷിക്കാന് ആഭ്യന്തരപരിഹാര സമിതി രൂപീകരിച്ചു.
കുറ്റക്കാരെന്ന് കണ്ടെത്തിയാല് തമിഴ് സിനിമയില് നിന്നും അഞ്ച് വര്ഷം വിലക്കും. ഇത്തരം അതിക്രമങ്ങള് ഉണ്ടായാല് ആദ്യം പരാതി നല്കേണ്ടത് സംഘടനയ്ക്കാണ്. പരാതികള് അറിയിക്കാന് പ്രത്യേക ഇമെയിലും ഫോണ് നമ്പറും ഏര്പ്പെടുത്തി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഇരകള്ക്ക് നിയമപോരാട്ടത്തിനുള്ള സാഹയം നടികര് സംഘം നല്കും. ജനറല് സെക്രട്ടറി വിശാല്, പ്രസിഡന്റ് നാസര്, ട്രഷറര് കാര്ത്തി തുടങ്ങിയവരുടെ നേതൃത്വത്തില് ഇന്ന് ചേര്ന്ന യോഗത്തിലാണ് സുപ്രധാന തീരുമാനമുണ്ടായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
