ന്യൂഡല്‍ഗി: ഗുജറാത്ത് തെരഞ്ഞെടുപ്പിലേക്കുള്ള ബിജെപിയുടെ ആദ്യഘട്ട സ്ഥാനാര്‍ത്ഥി പട്ടിക പ്രസിദ്ധീകരിച്ചു. എഴുപത് മണ്ഡലങ്ങളിലേക്കുള്ള സ്ഥാനാര്‍ത്ഥി പട്ടികയാണ് പ്രസിദ്ധീകരിച്ചിരിക്കുന്നത്. മുഖ്യമന്ത്രി വിജയ് രൂപാണി, ഉപമുഖ്യമന്ത്രി നിതിന്‍ പട്ടേല്‍ എന്നിവര്‍ ആദ്യ പട്ടികയില്‍ ഇടംപിടിച്ചിട്ടുണ്ട്. അടുത്തിടെ കോണ്‍ഗ്രസ്സില്‍ നിന്ന് ബിജെപിയിലേക്ക് കൂറുമാറിയ മുന്‍ എംഎല്‍എ രാഘവ്ജി പട്ടേലിന് ജംനഗറില്‍ സീറ്റ് നല്‍കിയിട്ടുണ്ട്. മുന്‍ കോണ്‍ഗ്രസ് നേതാക്കളായ രാംനീഷ് പര്‍മാര്‍, സി.കെ.റാലോജി എന്നിവരും ആദ്യഘട്ട ബിജെപി പട്ടികയിലുണ്ട്.
സൗരാഷ്ട്രയിലെ രാജ്‌കോട്ട് വെസ്റ്റില്‍ നിന്നാണ് വിജയ് രൂപാണി ജനവിധി തേടുന്നത്. നിതിന്‍ പട്ടേല്‍ മെഹ്‌സാനയില്‍ നിന്നും മത്സരിക്കും.
ബിജെപി സംസ്ഥാന അധ്യക്ഷന്‍ ജിതു വഖാനി ഭാവ്‌നഗര്‍ വെസ്റ്റില്‍ നിന്ന് മത്സരിക്കും.
ബിജെപിക്ക് ജയസാധ്യത ഉറപ്പുള്ള മണ്ഡലമാണ് വിജയ് രൂപാണി മത്സരിക്കുന്ന രാജ്‌കോട്ട് വെസ്റ്റ്. പട്ടിദാര്‍ വിഭാഗം കോണ്‍ഗ്രസിന് പിന്തുണ പ്രഖ്യാപിച്ചിരിക്കുന്നതോടെ ഇവിടെ മത്സരം കടുത്തതതായിരിക്കും.
അതേസമയം ബിജെപിക്കെതിരെ മഴവില്‍ സഖ്യമുണ്ടാക്കാനുള്ള കോണ്‍ഗ്രസിന്റെ നീക്കം സജീവമായി മുന്നോട്ടുപോകുന്നുണ്ട്. സീറ്റ് വിഭജന കാര്യത്തില്‍ തീരുമാനമായാല്‍ കോണ്‍ഗ്രസുമായി കൈകോര്‍ക്കാന്‍ തയ്യാറാണ് എന്നാണ് ബിഎസ്പിയുടേയും എന്‍സിപിയുടേയും നിലപാട്. ബിജെപിയുമായി ഇടഞ്ഞ് നില്‍ക്കുന്ന ശിവസേന ഒറ്റയ്ക്ക് മത്സരിക്കുമെന്ന് നേരത്തേ പ്രഖ്യാപിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
