ന്യൂഡെല്ഹി: ഡെല്ഹിയില് പോലീസുകാരന് സഹപ്രവര്ത്തകയ്ക്ക് മുന്നില് സ്വയംഭോഗം ചെയ്യുകയും അവരെ പീഡിപ്പിക്കാന് ശ്രമിക്കുകയും ചെയ്ത പോലീസുകാരന് സസ്പെന്ഷന്. കഴിഞ്ഞ ദിവസം ജരോധ കലാനിലെ പോലീസ് ട്രെയിനിങ് കോളജിലാണ് സംഭവം. പേര് വെളിപ്പെടുത്തിയിട്ടില്ലാത്ത പൊലീസുകാരന് മദ്യലഹരിയിലായിരുന്നെന്ന് പരാതിക്കാരി പറഞ്ഞു.
ഇയാള് രാത്രി ഭക്ഷണത്തിനിടെ വനിതാ കോണ്സ്റ്റബിള്മാരോട് അപമര്യാദയായി പെരുമാറുകയായിരുന്നു. മാപ്പു പറഞ്ഞില്ലെങ്കില് ഇവര് മേലുദ്യോഗസ്ഥനെ അറിയിക്കുമെന്ന് പറഞ്ഞെങ്കിലും പോലീസുകാരന് സമ്മതിച്ചില്ല. ഇതിന് ശേഷം ഇയാള് തന്റെ മുറിയിലെത്തി കൂടുതല് മദ്യം കഴിച്ച ശേഷം ടെറസിന് മുകളില് കയറി വീണ്ടും നഗ്നതാപ്രദര്ശനം നടത്തുകയും സ്വയംഭോഗം ചെയ്തെന്നുമാണ് പരാതി.
ഇതോടെ വനിതാ കോണ്സ്റ്റബിള്മാര് വിവരമറിയിച്ചതനുസരിച്ച് മേലുദ്യോഗസ്ഥര് സ്ഥലത്തെത്തി സംഭവത്തെക്കുറിച്ച് അന്വേഷണം ആരംഭിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ