പ്രജാപതി മന്ത്രിസഭയില്‍ തുടരുന്ന കാര്യത്തില്‍ മുഖ്യമന്ത്രി നിലപാട് വ്യക്തമാക്കണം; യുപി ഗവര്‍ണര്‍

ഗായത്രി പ്രജാപതി മന്ത്രിസഭയില്‍ തുടരുന്നതുമായി ബന്ധപ്പെട്ട് നിലപാട് മുഖ്യമന്ത്രി അഖിലേഷ് യാദവ് വ്യക്തമാക്കണമെന്ന് യുപി ഗവര്‍ണര്‍ രാംനായിക്
പ്രജാപതി മന്ത്രിസഭയില്‍ തുടരുന്ന കാര്യത്തില്‍ മുഖ്യമന്ത്രി നിലപാട് വ്യക്തമാക്കണം; യുപി ഗവര്‍ണര്‍

ലഖ്‌നോ: യുപി മന്ത്രി ഗായത്രി പ്രജാപതി മന്ത്രിസഭയില്‍ തുടരുന്നതുമായി ബന്ധപ്പെട്ട് നിലപാട് മുഖ്യമന്ത്രി അഖിലേഷ് യാദവ്് വ്യക്തമാക്കണമെന്ന് യുപി ഗവര്‍ണര്‍ രാംനായിക്. ബലാത്സംഗ കേസിനെ തുടര്‍ന്ന് മന്ത്രിക്ക് കോടതി ജാമ്യമില്ലാ വാറന്റ് പുറപ്പെടുവിച്ച സാഹചര്യത്തിലാണ് രാംനായിക് മുഖ്യമന്ത്രിക്ക് കത്തെഴുതിയത്. പ്രജാപതി മന്ത്രിസഭയില്‍  തുടരുന്നത് ധാര്‍മ്മികതയ്ക്കും അന്തസിനും ചേരുന്നതാണോ എന്ന ചോദ്യമുയരുമെന്നും രാം നായിക് വ്യക്തമാക്കി. ഉത്തര്‍പ്രദേശിലെ അമേത്തിമണ്ഡലത്തില്‍ നിന്നും എസ്പി സ്ഥാനാര്‍ത്ഥിയായി ഇത്തവണയും പ്രജാപതി ജനവിധി തേടിയിരുന്നു. ശനിയാഴ്ച പ്രജാപതിയുടെയും അയാളുടെ ആറ് സഹായികളുടെയും പാസ്‌പോര്‍ട്ട് നാലാഴ്ചത്തേക്ക് റദ്ദ് ചെയ്തിരുന്നു. തെരഞ്ഞെടുപ്പിന് ശേഷം ഗായത്രി പ്രജാപതി ഒളിവിലാണ്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com