ന്യൂഡെല്‍ഹി: കശ്മീര്‍ വിഷയം ചര്‍ച്ച ചെയ്യണമെങ്കില്‍ കല്ലേറ് നിര്‍ത്തണമെന്ന് ബിജെപി ദേശീയ അധ്യക്ഷന്‍ അമിത്ഷാ. ചര്‍ച്ചയ്ക്ക് പറ്റിയ സാഹചര്യമൊരുങ്ങിയാല്‍ മാത്രമെ സര്‍ക്കാര്‍ ചര്‍ച്ച ചെയ്യുന്നതിനെ കുറിച്ച് ആലോചിക്കുകയുള്ളു. കല്ലേറ് തുടരുന്നിടത്തോളം ചര്‍ച്ച ചെയ്യാന്‍ സര്‍ക്കാര്‍ ആഗ്രഹിക്കുന്നില്ലെന്നും അമിത് ഷാ വ്യക്തമാക്കി.
കശ്മീരിലെ പിഡിപി - ബിജെപി സഖ്യസര്‍ക്കാരില്‍ തൃപ്തനാണോ എന്ന ചോദ്യത്തിന് അടിസ്ഥാന മേഖലയില്‍ മികച്ച പുരോഗതി കൈവരിക്കാനായെന്നായിരുന്നു അമിത് ഷായുടെ ഉത്തരം. ജമ്മു, ലഡാക്ക് മേഖലകളില്‍ നീതി ഉറപ്പാക്കാനും സര്‍ക്കാരിനായെന്നും അമിത് ഷാ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
