ശ്രീനഗര്: കശ്മീരിലെ പൂഞ്ച് ജില്ലയില് വെടിനിര്ത്തല് കരാര് ലംഘിച്ച് പാക് സൈന്യം നടത്തിയ വെടിവെയ്പ്പില് രണ്ട് കുട്ടികള് കൊല്ലപ്പെട്ടു. ആറ് ഗ്രാമവാസികള്ക്ക് പരുക്കേറ്റു. പത്ത് വയസുകാരനായ ഇര്ഫാന് അഹമ്മദും പതിനഞ്ച് വയസുകാരിയായ ബാലികയും വെടിയേറ്റ് മരിച്ചതായാണ് എഎന്ഐ റിപ്പോര്ട്ട് ചെയ്യുന്നത്.
രാവിലെ 6.30 ഓടെ പാക് സൈന്യം വെടിനിര്ത്തല് കരാര് ലംഘിച്ചതിനെ തുടര്ന്ന് ഇന്ത്യന് സൈന്യം പ്രത്യാക്രമണം ആരംഭിച്ചു. വെടിവെയ്പ്പ് ഇപ്പോഴും തുടര്ന്നു കൊണ്ടിരിക്കുകയാണെന്നും പരുക്കേറ്റ ഗ്രാമവാസികളെ ആശുപത്രിയില് പ്രവേശിപ്പിച്ചതായും സൈനിക വക്താക്കള് അറിയിച്ചു.
ഈ വര്ഷം പാക്കിസ്ഥാന്റെ ഭാഗത്ത് നിന്നും വ്യാപകമായി വെടിനിര്ത്തല് കരാര് ലംഘനമുണ്ടാകുന്ന പശ്ചാത്തലത്തില് വീടുകള് വിട്ട് ക്യാമ്പുകളില് തങ്ങേണ്ട അവസ്ഥയിലാണ് ഗ്രാമവാസികള്. ആഗസ്റ്റ് ഒന്നു മുതല് 285 തവണയാണ് പാക്കിസ്ഥാന് വെടിനിര്ത്തല് കരാര് ലംഘനം നടത്തിയത്. കഴിഞ്ഞ വര്ഷം ഇത് 228 ആയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ