ന്യൂഡല്ഹി: ഡോക്ലാം അതിര്ത്തിയില് ചൈന വീണ്ടും നിര്മാണ പ്രവര്ത്തനങ്ങള് നടത്തുന്നതായ വാര്ത്ത ചൂണ്ടിക്കാട്ടി പ്രധാനമന്ത്രി നരേന്ദ്രമോദിയെ പരിഹസിച്ച് കോണ്ഗ്രസ് ഉപാധ്യക്ഷന് രാഹുല് ഗാന്ധി. ആത്മപ്രശംസയും പ്രകടനവുമെല്ലാം കഴിഞ്ഞെങ്കില് ഇതെങ്ങനെ സംഭവിക്കുന്നുവെന്ന് വിശദീകരിക്കൂ എന്നാണ് രാഹുലിന്റെ ട്വീറ്റ്.
ഒരിടവേളയ്ക്കു ശേഷമാണ് ഡോക് ലാമില് ചൈന നിര്മാണ പ്രവര്ത്തനങ്ങള് നടത്തുന്നതായ വാര്ത്ത പുറത്തുവന്നിരിക്കുന്നത്. നേരത്തെ ഡോക് ലാമിനെച്ചൊല്ലിയുള്ള സംഘര്ഷം ഇരു രാജ്യങ്ങളും തമ്മിലുള്ള നയതന്ത്ര ബന്ധത്തില് വിള്ളലുണ്ടാക്കിയിരുന്നു. ഇത് പരിഹരിക്കാനായത് വലിയ നേട്ടമായി ബിജെപി നേതൃത്വം ഉയര്ത്തിക്കാട്ടിയിരുന്നു. ഈ പശ്ചാത്തലത്തിലാണ് പ്രധാനമന്ത്രിയോടുള്ള ചോദ്യവുമായി രാഹുല് രംഗത്തുവന്നിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ