കേരളത്തില്‍ അക്രമങ്ങളിലൂടെ സിപിഎം ബിജെപിയെ ഇല്ലാതാക്കാന്‍ ശ്രമിക്കുന്നു: അമിത് ഷാ 

ഇത്തരം അക്രമങ്ങളെ ബിജെപി ഭയക്കുന്നില്ലെന്നും അമിത് ഷാ
കേരളത്തില്‍ അക്രമങ്ങളിലൂടെ സിപിഎം ബിജെപിയെ ഇല്ലാതാക്കാന്‍ ശ്രമിക്കുന്നു: അമിത് ഷാ 

ന്യൂഡല്‍ഹി: അക്രമങ്ങളിലൂടെ സിപിഎം കേരളത്തില്‍ ബിജെപിയെ ഇല്ലാതാക്കാന്‍ ശ്രമിക്കുകയാണെന്ന് ബിജെപി ദേശീയ അധ്യക്ഷന്‍ അമിത് ഷാ. ഹിംസയുടെ രാഷ്ട്രീയം ജനങ്ങള്‍ക്ക് മുന്നില്‍ ബിജെപി തുറന്നുകാട്ടും. ഇത്തരം അക്രമങ്ങളെ ബിജെപി ഭയക്കുന്നില്ലെന്നും അമിത് ഷാ പറഞ്ഞു. ബിജെപി ദേശീയ നിര്‍വാഹക സമിതി യോഗത്തിലാണ് അമിത് ഷായുടെ കേരളത്തിലെ രാഷ്ട്രീയ കൊലപാതകങ്ങളെ കുറിച്ചുള്ള പരാമര്‍ശം.

പ്രധാനമന്ത്രിയുടെ എല്ലാ നീക്കങ്ങള്‍ക്കും ബിജെപി ദേശീയ നിര്‍ഹാഹക സമിതി പൂര്‍ണപിന്തുണ പ്രഖ്യാപിച്ചു. നോട്ട് അസാധുവാക്കലും ജിഎസ്ടി നടപ്പാക്കലും അഴിമതിക്കെതിരേയുള്ള സുപ്രധാന ചുവടുവെയ്‌പ്പെന്ന് യോഗം വിലയിരുത്തി. 

13 മുഖ്യമന്ത്രിമാര്‍,  1400 എം.എല്‍.എ.മാര്‍, 337 പാര്‍ലമെന്റംഗങ്ങള്‍, ദേശീയ ഭാരവാഹികള്‍, സംസ്ഥാന അധ്യക്ഷര്‍ തുടങ്ങി 2500 പ്രതിനിധികള്‍ പങ്കെടുക്കുന്നതാണ് യോഗം.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com