നരോദപാട്യ കൂട്ടക്കൊല : ഗു​ജ​റാ​ത്ത് മു​ൻ മ​ന്ത്രി​ മാ​യ കോഡ്നാനിയെ കുറ്റ​വിമുക്തയാക്കി

അ​ഹ​മ്മ​ദാ​ബാ​ദ്: ​ഗുജറാത്തിലെ നരോദപാട്യ കൂട്ടക്കൊലക്കേസിൽ ഗു​ജ​റാ​ത്ത് മു​ൻ മ​ന്ത്രി​യും കേ​സി​ലെ മു​ഖ്യ​പ്ര​തി​യു​മാ​യ മാ​യ കോഡ്നാനിയെ കുറ്റ​വിമുക്തയാക്കി. ​ഗുജറാത്ത് ഹൈക്കോടതിയുടേതാണ് വിധി. സംശയത്തിന്റെ ആനുകൂല്യത്തിലാണ് മായ കോഡ്നാനിയെ വെറുതെ വിടുന്നതെന്ന് കോടതി വ്യക്തമാക്കി. അതേസമയം കേസിലെ മറ്റൊരു പ്രതി ബാബു ബജ് രം​ഗിയുടെ ശിക്ഷ കോടതി ശരിവെച്ചു. 

2002 Gujarat riots case(Naroda Patiya): Gujarat High Court acquits Maya Kodnani, Babu Bajrangi's conviction upheld. pic.twitter.com/XPCejIsE64

— ANI (@ANI) April 20, 2018

നേരത്തെ വിചാരണ കോടതി മായ കോഡ്നാനി അടക്കം 29 പ്രതികൾക്ക് തടവുശിക്ഷ വിധിച്ചിരുന്നു. 28 വ​ർ​ഷ​ത്തെ ത​ട​വ് ശി​ക്ഷ ല​ഭി​ച്ച കോ​ഡ്നാ​നി ഇ​പ്പോ​ൾ ജാ​മ്യ​ത്തി​ലാ​ണ്. വിചാരണ കോടതി വിധിക്കെതിരെ മായ കോഡ്നാനി സമർപ്പിച്ച അപ്പീൽ പരി​ഗണിച്ചാണ്, ഹൈക്കോടതി അവരെ കുറ്റവിമുക്തയാക്കിയത്. 

2002 ലെ ഗു​ജ​റാ​ത്ത് ക​ലാ​പ​ത്തി​നി​ടെ മാ​യ കോ​ഡ്നാ​നി​യു​ടെ നേ​തൃ​ത്വ​ത്തി​ൽ അ​ക്ര​മി​ക​ൾ ന​രോ​ദ​പാ​ട്യ മേ​ഖ​ല​യി​ൽ 97 പേ​രെ കൂ​ട്ട​ക്കൊ​ല ചെ​യ്ത​താ​യാ​ണ് കേ​സ്. ഗു​ജ​റാ​ത്ത് ക​ലാ​പ​ത്തി​ൽ ന​രോ​ദ്യ​പാ​ട്യ​യി​ലാ​ണ് ഏ​റ്റ​വും അ​ധി​കം പേ​ർ കൊ​ല്ല​പ്പെ​ട്ട​ത്. ഗൈ​ന​ക്കോ​ള​ജി​സ്റ്റാ​യ മാ​യ കോ​ട്നാ​നി ഗു​ജ​റാ​ത്തി​ലെ വ​നി​താ ശി​ശു​ക്ഷേ​മ മ​ന്ത്രി​യാ​യി​രി​ക്കെ​യാ​ണ് ക​ലാ​പം ന​ട​ന്ന​ത്. 2002 ഫെ​ബ്രു​വ​രി 27ന് ​ഗോ​ധ്ര സം​ഭ​വ​ത്തി​ന്‍റെ തൊ​ട്ട​ടു​ത്ത ദി​വ​സം വി​ശ്വ​ഹി​ന്ദു പ​രി​ഷ​ത്ത് ആ​ഹ്വാ​നം ചെ​യ്ത ബ​ന്ദി​ലാ​ണു ന​രോ​ദ പാ​ട്യ​യി​ൽ കൂ​ട്ട​ക്കൊ​ല ന​ട​ന്ന​ത്.