വിവാഹാഭ്യര്‍ത്ഥന നിരസിച്ചു; യുവതിക്കുനേരെ യുവാവ് വെടിയുതിര്‍ത്തു 

ന്യൂഡൽഹി: വി​വാ​ഹാ​ഭ്യ​ർത്ഥ​ന നി​ര​സി​ച്ച​ യു​വ​തി​ക്കു​നേ​രെ യുവാവ് വെ​ടി​യു​തി​ർ​ത്തു. വെ​ടി​യു​ണ്ട യു​വ​തി​യു​ടെ ശ​രീ​ര​ത്തി​ൽ ഉ​ര​സി​യെ​ങ്കി​ലും മു​റി​വു​ണ്ടാ​യി​ല്ല. ഡ​ൽ​ഹിയിലെ അ​ശോ​ക് വി​ഹാ​റി​ലാ​ണു സം​ഭ​വം. ഒ​രു സ്വ​കാ​ര്യ കമ്പനി​യി​ൽ ചാ​ർ​ട്ടേ​ഡ് അ​ക്കൗ​ണ്ട​ന്‍റാ​യി ജോ​ലി ചെയ്യുന്ന ഇ​രു​പ​ത്തി​നാ​ലു​കാ​രി​യാ​ണ് ആ​ക്ര​മ​ണ​ത്തി​നി​ര​യാ​യ​ത്.

ഹ​രീ​ഷ് ശ​ർ​മ എ​ന്ന യു​വാ​വാ​ണ് പെ​ണ്‍​കു​ട്ടി​യെ ആ​ക്ര​മി​ച്ച​തെ​ന്നും ഇ​യാ​ളു​ടെ വി​വാ​ഹാഭ്യർത്ഥന മു​ൻപ് യു​വ​തി നി​ര​സി​ച്ച​താ​ണ് പ​ക​യ്ക്കു കാ​ര​ണമെന്നും പൊലീസ് പറഞ്ഞു. ഹ​രീ​ഷ് വെ​ടി​യു​തി​ർ​ത്ത ശേ​ഷം മ​ട​ങ്ങു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ൾ പോ​ലീ​സി​നു ല​ഭി​ച്ചി​രു​ന്നു. ആക്രമത്തിനുശേഷം ഇയാൾ ഒ​ളി​വി​ൽ​പോ​യെ​ങ്കി​ലും കി​ഴ​ക്ക​ൻ ഡ​ൽ​ഹി​യി​ലെ വീ​ട്ടി​ൽ​നി​ന്ന് പൊലീസ് ഇയാളെ പിടികൂടുകയായിരുന്നു. 

സിസിടിവി ദൃശ്യങ്ങളിൽ നിന്നുലഭിച്ച വിവരങ്ങളാണ് അന്വേഷണത്തിൽ നിർണായകമായത്. വെ​ടി​യു​തി​ർ​ക്കാ​നു​പ​യോ​ഗി​ച്ച നാ​ട​ൻ തോ​ക്കും പൊ​ലീ​സ് ക​ണ്ടെ​ടു​ത്തു. 45,000 രൂ​പ മു​ട​ക്കി ഇ​രു​പ​തു ദി​വ​സം മു​ന്പ്  യു​പി​യി​ലെ മു​റാ​ദ്ന​ഗ​റി​ൽ​നി​ന്നാണ് ഇയാൾ തോക്ക് വാങ്ങിയതെന്നും അന്വേഷണത്തിൽ കണ്ടെത്തി.