അഹമ്മദാബാദ്: ഒന്നര കോടി രൂപ വിലയുള്ള കൊക്കെയിനുമായി നൈജീരിയന്‍ സ്വദേശി പിടിയില്‍. അഹമ്മദാബാദില്‍ നിന്നുമാണ് ഇയാളെ നാര്‍കോട്ടിക്‌സ് കണ്‍ട്രോള്‍ ബ്യൂറോ (എന്‍സിബി) ഉദ്യോഗസ്ഥര്‍ അറസ്റ്റുചെയ്തത്. വിക്റ്റര്‍ നാന്‍സോ എന്നയാളാണ് പിടിയിലായത്.
ഇയാളുടെ സാധനങ്ങള്‍ പരിശോധിച്ചപ്പോള്‍ 273ഗ്രാം കൊക്കെയിന്‍ അന്വേഷണസംഘം കണ്ടെത്തുകയായിരുന്നു. ഇയാള്‍ ഇത് മുംബൈയില്‍ നിന്ന് ശേഖരിച്ചതാണെന്നും അഹമ്മദാബാദിലുള്ള ഏതോ ഇടപാടുക്കാരന് കൈമാറാനാണ് കൈയ്യില്‍ കരുതിയിരുന്നതെന്നും എന്‍സിബി ഉദ്യോഗസ്ഥര്‍ പറയുന്നു. നാര്‍ക്കോട്ടിക് ഡ്രഗ്‌സ് ആക്ട് പ്രകാരമാണ് വിക്റ്ററിനെ അറസ്റ്റ് ചെയ്തിരിക്കുന്നതെന്നും അവര്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
