ബലിയ: പട്ടിക ജാതി, പട്ടിക വര്ഗ പീഡന നിരോധന നിയമത്തിലെ ഭേദഗതിയാണ് നിയമസഭാ തെരഞ്ഞെടുപ്പില് ബിജെപിയുടെ മോശം പ്രകടനത്തിനു കാരണമെന്ന് യുപി എംഎല്എ. മേല്ജാതിക്കാരെ പിണക്കിക്കൊണ്ട് ബിജെപിക്കു തെരഞ്ഞെടുപ്പു ജയം സാധ്യമാവില്ലെന്ന് ബൈരിയ മണ്ഡലത്തിലെ എംഎല്എ സുരേന്ദ്ര സിങ് പറഞ്ഞു.
പട്ടിക ജാതി, പട്ടിക വര്ഗ പീഡന നിരോധന നിയമം ഭേദഗതി ചെയ്തത് ആത്മഹത്യാപരമാണെന്ന് സുരേന്ദ്ര സിങ് പറഞ്ഞു. സവര്ണരുടെ വികാരങ്ങളെ മുറിപ്പെടുത്തിക്കൊണ്ട് ബിജെപിക്കു തെരഞ്ഞെടുപ്പു വിജയം സാധ്യമാവില്ല. ഈ തെരഞ്ഞെടുപ്പു ജനങ്ങള് ബിജെപിക്കു നല്കിയ പാഠമാണെന്ന് സുരേന്ദ്ര സിങ് അഭിപ്രായപ്പെട്ടു.
തെരഞ്ഞെടുപ്പിലെ പാഠം ഉള്ക്കൊണ്ട് തീരുമാനം മാറ്റുകയാണ് ബിജെപി ചെയ്യേണ്ടത്. എസ് സി,എസ്ടി നിയമം ഭേദഗതി ചെയ്യാനുള്ള തീരുമാനം പിന്വലിക്കണം. അല്ലാത്തപക്ഷം പൊതുതെരഞ്ഞെടുപ്പില് തിരിച്ചടി നേരിടുമെന്നും എംഎല്എ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ