ഗോപിഗഞ്ച്: പൂവാല ശല്യം ചെറുത്ത യുവതിയെ മര്ദ്ദിച്ച് അവശയാക്കിയ ശേഷം നഗ്നയായി നടത്തിച്ചതായി പരാതി. ഉത്തര്പ്രദേശിലെ ഗോപിഗഞ്ചിലാണ് സംഭവം. പിന്നാലെ നടന്ന് ശല്യപ്പെടുത്തിയതിനെതിരെ പ്രതികരിച്ചതോടെയാണ് വീട്ടിലെത്തി യുവതിയെ നാലംഗ സംഘം മര്ദ്ദിക്കുകയും നഗ്നയാക്കി നടത്തുകയും ചെയ്തതെന്ന് പൊലീസ് പറഞ്ഞു.
യുവതിയെ നഗ്നയാക്കി നടത്തുന്നതും മര്ദ്ദിക്കുന്നതുമായ ദൃശ്യങ്ങള് ഗ്രാമവാസികളില് ചിലര് മൊബൈല് ഫോണില് പകര്ത്തിയതായും ഇത് സമൂഹ മാധ്യമങ്ങളില് പങ്കുവച്ചതായും പൊലീസ് കണ്ടെത്തി.
യുവതിയെ ഉപദ്രവിച്ചവരെന്ന് സംശയിക്കുന്നവരില് ഒരാള് പിടിയിലായിട്ടുണ്ട്. മറ്റുള്ളവരെ ഉടന് പിടികൂടാനാവുമെന്നാണ് പ്രതീക്ഷയെന്ന് പൊലീസ് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ