ത്രിപുരയില്‍ 80 ശതമാനം പോളിംഗ്: പ്രതീക്ഷയോടെ സിപിഎം

By സമകാലിക മലയാളം ഡെസ്‌ക്‌  |   Published: 18th February 2018 05:15 PM  |  

Last Updated: 18th February 2018 05:15 PM  |   A+A-   |  


അഗര്‍ത്തല: ത്രിപുരയിലെ 59 നിയമസഭാ സീറ്റുകളിലേക്കുള്ള വോട്ടെടുപ്പ് അവസാനിച്ചു. വൈകിട്ട് നാലുവരെയായിരുന്നു പോളിങ് സമയം. ആകെ 80 ശതമാനം വോട്ടര്‍മാര്‍ തങ്ങളുടെ സമ്മതിദാനാവകാശം വിനിയോഗിച്ചു. രാവിലെ തന്നെ നീണ്ട തിരക്ക് പോളിങ് സ്‌റ്റേഷനുകളില്‍ അനുഭവപ്പെട്ടിരുന്നു .

59 മണ്ഡലങ്ങളിലാണ് വോട്ടെടുപ്പ് നടന്നത് . ഒരിടത്ത് സിപിഐ എം സ്ഥാനാര്‍ഥിയുടെ മരണത്തെതുടര്‍ന്ന് തെരഞ്ഞെടുപ്പ് റദ്ദാക്കി.  3214 ബൂത്തുകളിലായി മൊത്തം 25,69,216 വോട്ടര്‍മാരാണ് ആകെ സംസ്ഥാനത്തുള്ളത് . മാര്‍ച്ച് മൂന്നിനാണ് വോട്ടെണ്ണല്‍. ഇതില്‍  13,05,375  പുരുഷ വോട്ടര്‍മാരും 12,68,027  പേര്‍ സ്ത്രീകളുമാണ് . 47,803. പുതിയ വോട്ടര്‍മാരില്‍ 11 പേര്‍ ഭിന്ന ലിംഗത്തില്‍പെട്ടവരാണ്.

സിപി എം നേതൃത്വത്തിലുള്ള ഇടതുമുന്നണിയും ബിജെപി ഐപിഎഫ്ടി സഖ്യവും തമ്മിലാണ് പ്രധാന മത്സരം.കോണ്‍ഗ്രസ്, തൃണമൂല്‍ കോണ്‍ഗ്രസ്, വിവിധ ഗിരിവര്‍ഗ പാര്‍ടി സ്ഥാനാര്‍ഥികളും സ്വതന്ത്രരുമടക്കം 257 പേരാണ് മത്സരരംഗത്തുള്ളത്. 57 സീറ്റിലാണ് സിപിഎം മത്സരിക്കുന്നത്