ചെന്നൈ: ആര്‍ കെ നഗര്‍ ഉപതെരഞ്ഞെടുപ്പിനെ ചൊല്ലി ടിടിവി ദിനകരനും കമല്‍ഹാസനും തമ്മില്‍ വാക്‌പോര്. ടിടിവി ദിനകരന്റെ വിജയം പണക്കൊഴുപ്പില്‍ നേടിയതാണെന്ന് കമല്‍ഹാസന്‍ ആരോപിച്ചു. ഉപതെരഞ്ഞെടുപ്പിലെ തന്റെ വമ്പിച്ച വിജയം ദഹിക്കാത്തതിലുളള സ്വാഭാവിക പ്രതികരണമാണ് കമല്‍ഹാസന്റെതെന്ന് ടിടിവി ദിനകരന്‍ മറുപടി നല്‍കി.
തമിഴ് വാരികയായ ആനന്ദവികടനിലെ പ്രതിവാര പംക്തിയിലാണ് ദിനകരനെ പേരെടുത്ത് പരാമര്‍ശിക്കാത കമല്‍ രൂക്ഷമായി വിമര്‍ശം നടത്തിയത്. ഇന്ത്യന്‍ ജനാധിപത്യത്തിന് തന്നെ നാണക്കേടാണ് പണത്തില്‍ പിന്‍ബലത്തില്‍ നേടിയ വിജയമെന്നും അദ്ദേഹം കുറ്റപ്പെടുത്തി.
ഇതിന് പിന്നാലെയാണ് കമല്‍ഹാസനെ വിമര്‍ശിച്ച് ദിനകരന്‍ തന്നെ രംഗത്തുവന്നത്. തന്റെ വിജയം ദഹിക്കാത്തതിലുളള പ്രതികരണമാണ് കമലല്‍ഹാസന്റെതെന്ന് വിമര്‍ശിച്ച ദിനകരന്‍ തമിഴ്‌നാട്ടിലെ വോട്ടര്‍മാരെ അപമാനിക്കുന്നതിന് തുല്യമാണിതെന്നും കുറ്റപ്പെടുത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
