ഡെറാഡൂണ്‍: ഉത്തരാഖണ്ഡിലെ പൗരിഗര്‍വാളില്‍ ബസ് കൊക്കയിലേക്ക് മറിഞ്ഞ് 35 പേര്‍ മരിച്ചു. നിരവധിപേര്‍ക്ക് പരിക്കേറ്റിട്ടുണ്ട്.പലരുടെയും നില ഗുരുതരം. മരണസംഖ്യ ഉയര്‍ന്നേക്കാമെന്ന് ഗര്‍വാള്‍ കമ്മീഷണ്‍ ദിലിപ് ജവാള്‍ക്കര്‍ പറഞ്ഞു.
ഭാവുനില്‍ നിന്ന് രാംനഗറിലേക്ക് പോയ ബസാണ് അപകടത്തില്‍ പെട്ടത്. നിയന്ത്രണം നഷ്ടപ്പെട്ട ബസ് കൊക്കയിലേക്ക് മറിയുകയായിരുന്നുവെന്നാണ് പ്രാഥമിക നിഗമനം. പ്രദേശവാസികളാണ് അപകടത്തില്‍പെട്ടതെന്ന് പൊലീസ് അറിയിച്ചു. പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്.
സംഭവ സ്ഥലത്തു നിന്നും 20 മൃതദേഹങ്ങള്‍ കണ്ടെത്തിയതായി ദേശീയ വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്യുന്നു.രക്ഷാ പ്രവര്‍ത്തനം പുരോഗമിക്കുകയാണ്.700 അടിയോളം താഴ്ചയിലേക്കാണ് ബസ് മറിഞ്ഞത്‌
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
