ഛണ്ഡിഗഢ്: പഞ്ചാബിൽ നവവധു പൊലീസ് സ്റ്റേഷനിൽ മയക്കുമരുന്ന് ഉപയോഗിക്കുന്ന ദൃശ്യങ്ങൾ പുറത്ത്. 'ചിത്ത' എന്ന ലഹരി വസ്തു നവവധു ഉപയോഗിക്കുന്ന വീഡിയോയാണ് പുറത്തായത്. അതേസമയം ഇതിന് ഒത്താശ ചെയ്തുവെന്ന് സംശയിക്കുന്ന പൊലീസ് നടപടിയിൽ ആക്ഷേപം ഉയർന്നിട്ടുണ്ട്.
പഞ്ചാബിൽ വിവാഹ ദിനത്തിൽ ഉപയോഗിക്കുന്ന വളകൾ അണിഞ്ഞ യുവതി മെഴുകുതിരിക്ക് മുമ്പിലിരുന്ന് ഫോയിൽ പേപ്പർ ഉപയോഗിച്ച് ചിത്ത വലിക്കുന്ന ദൃശ്യങ്ങളാണ് പുറത്ത് വന്നത്.ഹെറോയിൻ, എൽ.എസ്.ഡി എന്നിവ ഉപയോഗിച്ച് നിർമിക്കുന്ന ലഹരി വസ്തുവാണ് ചിത്ത. ദൃശ്യങ്ങളിലെ ശബ്ദത്തിൽ നിന്ന് സ്ഥലം പൊലീസ് സ്റ്റേഷനാണെന്ന് വ്യക്തമാക്കുന്നു. യുവതിയുടെ സമീപത്തുള്ള വസ്തുകളും പൊലീസ് സ്റ്റേഷനുകളിൽ ഉള്ളതാണ്.
പഞ്ചാബിലെ ലഹരി ഉപയോഗം മുമ്പ് തന്നെ കുപ്രസിദ്ധമാണ്. പലപ്പോഴും പൊലീസ് ഇക്കാര്യത്തിൽ പ്രതികൂട്ടിലായിട്ടുണ്ട്. മയക്കുമരുന്നിനെതിരെ നടപടി എടുക്കാത്തതിന്റെ പേരിൽ പലപ്പോഴും പൊലീസ് വിമർശനം നേരിടുന്നുണ്ട്.ഇതിനിടെയാണ് യുവതി പൊലീസ് സ്റ്റേഷനിൽ വെച്ച് മയക്കുമരുന്ന് ഉപയോഗിക്കുന്ന ദൃശ്യങ്ങൾ പുറത്തായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
