വിദിഷ: 14 മാസം പ്രായമുള്ള പെൺകുഞ്ഞിനെ മുത്തച്ഛൻ മൃഗീയമായി പീഡിപ്പിച്ചു. മധ്യപ്രദേശിലെ വിദിഷ ജില്ലയിലാണു സംഭവം.
ശനിയാഴ്ച രാത്രിയായിരുന്നു കേസിനാസ്പദമായ സംഭവം. ബന്ധുവിന്റെ വീട്ടിലായിരുന്ന കുട്ടിയെ കളിപ്പിക്കാനെന്ന് പറഞ്ഞ് കൂട്ടിക്കൊണ്ടുപോയശേഷം മുത്തച്ഛൻ പീഡിപ്പിക്കുകയായിരുന്നെന്ന് ലതേരി എസ്ഐ ബൻവാരിലാൽ മാളവ്യ അറിയിച്ചു.
വേദന കൊണ്ട് കുട്ടി കരയുന്നത് അമ്മയുടെ ശ്രദ്ധയിൽപ്പെടുകയായിരുന്നു. തുടർന്ന് ആശുപത്രിയിൽ നടത്തിയ പരിശോധനയിലാണ് പീഡനംതെളിഞ്ഞത്. പോക്സോ നിയമപ്രകാരം പോലീസ് കേസെടുത്തതിനു പിന്നാലെ പ്രതിയായ ഗജ്രാജ് സിംഗ് ഭിൽ(38) ഒളിവിൽ പോയി. ഇയാൾക്കായി തെരച്ചിൽ തുടരുകയാണെന്നു പോലീസ് അറിയിച്ചു.
മന്ദ്സോർ, ഗ്വാളിയർ, സാറ്റ്ന എന്നിവിടങ്ങളിലെ പീഡനവാർത്തകൾക്കു പിന്നാലെയാണ് വിദിഷയും പീഡനവുമായി ബന്ധപ്പെട്ട് വാർത്തകളിൽ നിറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ