ന്യൂഡല്‍ഹി: സ്വര്‍ണ്ണബിസ്‌ക്കറ്റ് കടത്താന്‍ ശ്രമിക്കുന്നതിനിടെ എയര്‍ ഇന്ത്യ ജീവനക്കാരന്‍ അറസ്റ്റില്‍. ഇന്ദിരാ ഗാന്ധി ഇന്റര്‍നാഷണല്‍ എയര്‍പോര്‍ട്ടില്‍ നിന്ന് കേന്ദ്ര വ്യവസായ സുരക്ഷാ സേന (സിഐഎസ്എഫ്) ആണ് ഇയാളെ അറസ്റ്റ് ചെയ്തത്.
ദുബായില്‍ നിന്ന് എത്തിയ സ്‌പൈസ്‌ജെറ്റ് യാത്രക്കാരന് വേണ്ടിയാണ് ഇയാള്‍ സ്വര്‍ണ്ണം കടത്താന്‍ ശ്രമിച്ചതെന്നാണ് റിപ്പോര്‍ട്ടുകള്‍. വിമാനത്താവളത്തിലെ ഇന്റര്‍നാഷണല്‍ ട്രാന്‍സ്ഫര്‍ ഏരിയയിലുള്ള ശുചിമുറിയില്‍ നിന്നാണ് ഇയാളെ അറസ്റ്റ് ചെയ്തത്. 1962ലെ കസ്റ്റംസ് ആക്ട് പ്രകാരമാണ് അറസ്റ്റ്. സംഭവവുമായ ബന്ധപ്പെട്ട് കൂടുതല്‍ അന്വേഷണം നടന്നുവരികയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
