യുവതിയോട് അശ്ലീലം പറഞ്ഞു ; ഇ - റിക്ഷ ഡ്രൈവറെ കുത്തിക്കൊന്നു

By സമകാലിക മലയാളം ഡെസ്‌ക്‌  |   Published: 21st July 2018 05:17 PM  |  

Last Updated: 21st July 2018 05:17 PM  |   A+A-   |  

murdersd

ന്യൂഡല്‍ഹി: സഹോദരിയോട് അശ്ലീലം പറഞ്ഞുവെന്ന് ആരോപിച്ച് ഇ - റിക്ഷ ഡ്രൈവറെ കുത്തിക്കൊന്നു. സൗത്ത് ഈസ്റ്റ് ഡല്‍ഹിയിലെ ജയ്പൂരിലാണ് സംഭവം. സംഭവവുമായി ബന്ധപ്പെട്ട് രണ്ടുപേർ പൊലീസിന്റെ പിടിയിലായി. റിക്ഷ ഡ്രൈവർ ജ​ഗദീഷ് 35) ആണ് കൊല്ലപ്പെട്ടത്.  

കൊലപാതകവുമായി ബന്ധപ്പെട്ട് ആമിര്‍, സാക്കിര്‍ എന്നിവരാണ് പൊലീസിന്റെ പിടിയിലായത്.  സഹോദരിയെ സന്ദർശിച്ച ശേഷം ആമിറും സാക്കിറും ദക്ഷിൻപുരിയിലെത്തി. ഇവിടെ വെച്ച് മദ്യലഹരിയിലായിരുന്ന ജ​ഗദീഷ്, ആമിറിന്റെ സഹോദരിയെക്കുറിച്ച് അശ്ലീലം പറയുകയായിരുന്നു. ഇതേച്ചൊല്ലിയുണ്ടായ വാക്കുതർക്കം കത്തിക്കുത്തിൽ അവസാനിക്കുകയായിരുന്നു. 

ജ​ഗദീഷിനെ ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. പ്രതികളെ പിടികൂടിയെന്നും, എന്നാൽ കുത്താനുപയോ​ഗിച്ച കത്തി ഇതുവരെ കണ്ടെത്തിയിട്ടില്ലെന്ന് ഡിസിപി ചിൻമയി ബിസ്വാൾ പറഞ്ഞു.