ചെന്നൈ: പുതുക്കോട്ടയില് പെരിയാറിന്റെ പ്രതിമ തകര്ത്ത സംഭവത്തില് സി ആര് പി എഫ് ജവാന് അറസ്റ്റില്. സെന്തില് കുമാര് എന്നയാളാണ് അറസ്റ്റിലായത്. മദ്യലഹരിയിലായിരുന്നു അക്രമം നടത്തിയതെന്ന് ഇയാൾ പറഞ്ഞതായി റിപ്പോർട്ടുകൾ വ്യക്തമാക്കുന്നു.
ഇന്നലെയാണ് പുതുക്കോട്ടയില് പെരിയാറിന്റെ പ്രതിമ തകര്ത്തത്. പ്രതിമയുടെ തല വെട്ടിമാറ്റുകയായിരുന്നു. ഇയാള് സ്വമേധയാ പ്രതിമ തകര്ക്കുകയായിരുന്നോ അതോ മറ്റാരുടെയെങ്കിലും നിര്ദേശത്തിന് അനുസരിച്ച് പ്രവര്ത്തിക്കുകയായിരുന്നോ എന്ന കാര്യം പോലീസ് അന്വേഷിക്കുന്നുണ്ട്. വാർത്ത പുറം ലോകം അറിഞ്ഞതിന് പിന്നാലെ സംഭവത്തിൽ വൻ പ്രതിഷേധം ഉയർന്നിരുന്നു.
പ്രതിമ തകര്ത്ത സംഭവത്തെ അപലപിച്ച് കോണ്ഗ്രസ് അധ്യക്ഷന് രാഹുല് ഗാന്ധി, ഡി എം കെ നേതാവ് എം കെ സ്റ്റാലിന്, നടന് രജിനികാന്ത് തുടങ്ങിയവര് രംഗത്തെത്തി. സംഭവം നടന്ന് അൽപസമയത്തിനകം തന്നെ പോലീസും ജില്ലാ അധികൃതരും സ്ഥലത്തെത്തി. പ്രതിമ ഇന്ന് രാവിലെയോടെ പൂർവസ്ഥിതിയിലാക്കിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ