മണ്‍സൂണ്‍ ഒരാഴ്ച നേരത്തെയെത്തും, മേയ് 25ന് മഴ തുടങ്ങുമെന്ന് പ്രവചനം

മണ്‍സൂണ്‍ ഒരാഴ്ച നേരത്തെയെത്തും, മേയ് 25ന് മഴ തുടങ്ങുമെന്ന് പ്രവചനം
മണ്‍സൂണ്‍ ഒരാഴ്ച നേരത്തെയെത്തും, മേയ് 25ന് മഴ തുടങ്ങുമെന്ന് പ്രവചനം

പൂനെ: കാലവര്‍ഷം ഇക്കുറി നേരത്തെ കേരളത്തിലെത്തുമെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. മെയ് 25ന് കാലവര്‍ഷം കേരളത്തിലെത്തുമെന്നാണ് കാലാവസ്ഥാ വകുപ്പിന്റെ നിഗമനം. ശനിയാഴ്ചയാണ് കാലാവസ്ഥാ വകുപ്പിന്റെ പ്രവചനം ഔദ്യോഗികമായി പുറത്തുവിടുക.

ഇക്കുറി രാജ്യത്ത് മഴ സാധാരണ ഗതിയില്‍ ലഭിക്കുമെന്ന് കാലാവസ്ഥാ വകുപ്പു നേരത്തെ വ്യക്തമാക്കിയിരുന്നു. ജൂണ്‍ ഒന്നിനാണ് സാധാരണഗതിയില്‍ മണ്‍സൂണ്‍ കേരളത്തിലെത്തുന്നത്. ഇക്കുറി ഇത് ഒരാഴ്ച നേരത്തെയായിരിക്കുമെന്നാണ് കാലാവസ്ഥാ വകുപ്പിന്റെ നിഗമനം.

മേയ് ഇരുപത്തിയഞ്ചിന് കാലവര്‍ഷം എത്തിയാല്‍ കഴിഞ്ഞ ഏഴു വര്‍ഷങ്ങള്‍ക്കിടെ മഴ നേരത്തെ തുടങ്ങുന്ന വര്‍ഷമായി 2018 മാറും. കാറ്റിന്റെ ഗതി കണക്കാക്കിയാണ് പ്രധാനമായും മണ്‍സൂണ്‍ എത്തുന്ന തീയതി പ്രവചിക്കുന്നത്. ഇപ്പോള്‍ ലഭിക്കുന്ന സൂചനകള്‍ വച്ച് മേയ് 25ന് മഴയെത്തുമെന്നും ഇതില്‍ വലിയ മാറ്റങ്ങള്‍ക്കു സാധ്യതയില്ലെന്നുമാണ് ഉദ്യോഗസ്ഥര്‍ നല്‍കുന്ന സൂചന.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com