കൊല്ക്കത്ത: പഞ്ചായത്ത് തെരഞ്ഞെടുപ്പിനിടെ പശ്ചിമ ബംഗാളില് വ്യാപക ആക്രമണം. സിപിഎം പ്രവര്ത്തകനേയും ഭാര്യയേയും തീവച്ചു കൊന്നു. നോര്ത്ത് 24 പര്ഗാനയില് ദിബു ദാസ്, ഭാര്യ ഉഷ ദാസ് എന്നിവരെയാണ് കൊലപ്പെടുത്തിയത്. കൊലപാതകത്തിന് പിന്നില് തൃണമൂല് കോണ്ഗ്രസ് പ്രവര്ത്തകരാണെന്ന് സിപിഎം ആരോപിച്ചു.
മൂന്നിടങ്ങളില് ബോംബ് സ്ഫോടനങ്ങള് റിപ്പോര്ട്ട് ചെയ്യുന്നു. താരകേശ്വറില് രണ്ട് ബിജെപി പ്രവര്ത്തകര്ക്ക് നേരെ ആക്രമണം നടന്നു. പലയിടത്തും ബൂത്ത് പിടിച്ചെടുക്കലുകള് നടന്നതായും റിപ്പോര്ട്ടുകള് പുറത്തുവരുന്നു.
കുഛ് ബിഹാറില് നടന്ന സംഘര്ഷത്തില് 20ഓളം പേര്ക്ക് പരിക്ക് പറ്റി. തൃണമൂല് പ്രവര്ത്തകരാണ് ആക്രമണത്തിന് പിന്നിലെന്ന് പരിക്കേറ്റ് ആശുപത്രിയില് കഴിയുന്നവര് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ