മുംബൈ: തമിഴ്ജനതയ്ക്കായി രജനീകാന്തിന് ഒന്നും ചെയ്യാന് കഴിയില്ലെന്ന് ബിജെപി എംപിയും നടനുമായ ശത്രുഘ്നന് സിന്ഹ. തമിഴ്നാട്ടില് വളരെ ശക്തനായ നേതാവാണ് എംകെ സ്റ്റാലിന്. ഇതൊന്നുമറിയാതെയാണ് രജനീ രാഷ്ട്രീയത്തിലേക്ക് ഇറങ്ങിയതെന്നും ശത്രുഘ്നന് സിന്ഹ പറഞ്ഞു.
രജനീകാന്തും കമല്ഹാസനും രാഷ്ട്രീയ പ്രവേശം ഉറപ്പാക്കിയ സാഹചര്യത്തില് രാഷ്ട്രീയമെന്നാല് റോസാപ്പൂക്കള് പോലെ മൃദുലമല്ലെന്ന ഉപദേശവും ശത്രുഘ്നന് സിന്ഹ നല്കി. ഏറെ ആലോചിച്ച ശേഷമായിരിക്കും ഇരുവരും ഇത്തരമൊരു തീരുമാനത്തിലെത്തിയുണ്ടായതെന്നും സിന്ഹ പറഞ്ഞു. തെറ്റിലേക്ക് വീഴുന്നതിന് മുന്പ് വലിയ ആലോചനകള് ഇരുവരും നടത്തുമെന്നാണ് തന്റെ പ്രതീക്ഷ. പാര്ട്ടിയുടെ നേതൃത്വത്തിലിരിക്കുമ്പോള് രൂക്ഷമായി പ്രതികരിക്കേണ്ട സന്ദര്ഭങ്ങള് ഉണ്ടാകുമെന്നും ഇതെല്ലാം ആലോചിച്ച ശേഷമായിരിക്കും രാഷ്ട്രീയ പാര്ട്ടി രൂപികരിക്കാനുള്ള ഇവരുടെ തീരുമാനമെന്നും ശത്രുഘ്നന് സിന്ഹ പറഞ്ഞു
കമല്ഹാസനും രജനീകാന്തും തന്റെ അടുത്ത സുഹൃത്തുക്കളാണ്.എന്നാല് രാഷ്ട്രീയത്തില് വരുന്നതിന് മുന്പായി തന്റെ ഉപദേശം നേടിയിട്ടില്ല. രാഷ്ട്രീയരംഗത്തേക്ക് അവരെ ഊഷ്മളമായി സ്വാഗതം ചെയ്യുമ്പോഴും രാഷ്ട്രീയത്തിലെ കെണി മനസിലാക്കണമെന്നും സിന്ഹ പറഞ്ഞു. തന്നെ മോദി മന്ത്രിസഭയില് ഉള്പ്പെടുത്തുമന്ന് പ്രതീക്ഷിച്ചിന്നെങ്കിലും നറുക്ക് വീണ്ത് സീരിയല് നടിക്കായിരുന്നെന്നും ഇതാണ് രാഷ്ട്രീയമെന്നും സിന്ഹ പറഞ്ഞു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ