ദേശീയം
കര്ണാടക ഗവര്ണര് രാജിവെക്കണം: സീതാറാം യച്ചൂരി
അല്പമെങ്കിലും നാണം അവശേഷിക്കുന്നുണ്ടെങ്കില് ഗവര്ണര് രാജിവെക്കണമെന്ന് സീതാറാം യെച്ചൂരി
ന്യൂഡല്ഹി: മുഖ്യമന്ത്രി യദ്യൂരപ്പ രാജിവെച്ചതിന് പിന്നാലെ കര്ണാടക ഗവര്ണര് രാജിവെക്കണമെന്ന ആവശ്യവുമായി സിപിഎം. അല്പമെങ്കിലും നാണം അവശേഷിക്കുന്നുണ്ടെങ്കില് ഗവര്ണര് രാജിവെക്കണമെന്ന് സീതാറാം യെച്ചൂരി പറഞ്ഞു. കേന്ദ്രമന്ത്രിമാര് ഉള്പ്പെടയുള്ള ആളുകള് ബംഗളൂരുവില് തങ്ങിയാണ് അഴിമതിക്ക് കുടപിടിച്ചതെന്നും യെച്ചൂരി ട്വിറ്ററില് കുറിച്ചു.
ഭരണഘടനാ സ്ഥാപനങ്ങളെ ദുരുപയോഗം ചെയ്താണ് ഭരണം നിലനിര്ത്താന് ബിജെപി ശ്രമിച്ചത്. ഇതിനായി കള്ളപ്പണക്കാരും ക്രിമിനലുകളുമായി കൂട്ടുകൂടി ജനവിധി അട്ടിമറിക്കാനാണ് മോദിയും അമിത് ഷായും ശ്രമിച്ചതെന്നും ഇതിനോട് ജനം പൊറുക്കില്ലെന്നും യച്ചൂരി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ