ലഖ്നൗ: തനിക്ക് ഉദ്ദവ് താക്കറെയില് നിന്നും മര്യാദ പഠിക്കേണ്ടതില്ലെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. ശിവസേന മുഖപത്രമായ സാമ്നയില് ഉദ്ദവ് താക്കറെ തനിക്കെതിരെ നടത്തിയ വിമര്ശനങ്ങള് മറുപടി പറയുകയായിരുന്നു അദ്ദേഹം. ശിവജിയുടെ ചിത്രത്തില് പൂമലയണിയിക്കാന് എത്തിയ ആദിത്യനാഥ് ചെരുപ്പുകള് ഊരിയില്ലെന്നായിരുന്നു ഉദ്ദവിന്റെ വിമര്ശനം.
എനിക്ക് ഉദ്ദവ് താക്കറെയെക്കാള് സംസ്കാരമുണ്ട്, എങ്ങനെ ബഹുമാനം പ്രകടിപ്പിക്കണം എന്നറിയാം. അദ്ദേഹത്തില് നിന്ന് ഒന്നും പഠിക്കേണ്ട ആവശ്യമില്ല-ആദിത്യനാഥ് പറഞ്ഞു. ആദിത്യനാഥ് കപട വേഷധാരിയാണെന്നും ശിവജിയേയോ ചരിത്രത്തേയോ ആദിത്യനാഥിന് അറിയില്ലെന്നും ഉദ്ദവ് വിമര്ശിച്ചിരുന്നു.
മഹാരാഷ്ട്രയില് പല്ഘാര് ലോകസഭ മണ്ഡലത്തിലേക്ക് നടക്കുന്ന തെരഞ്ഞെടുപ്പില് എന്ഡിഎ സഖ്യകക്ഷികള് രണ്ടായാണ് മത്സരിക്കുന്നത്. തെരഞ്ഞെടുപ്പ് അടുത്തു വരുന്ന സമയത്തില് ബിജെപിയും ശിവസേനയും കനത്ത വാക്പ്പോരിലാണ് ഏര്പ്പെട്ടിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ