സൂറത്ത്; സ്ഥലംമാറ്റം കിട്ടാന്‍ ലൈംഗിക ബന്ധത്തിന് സമ്മതിക്കണമെന്ന് മുതിര്‍ന്ന ഉദ്യോഗസ്ഥര്‍ നിര്‍ബന്ധിച്ചു എന്ന ആരോപണവുമായി വനിത ഹോംഗാര്‍ഡുകള്‍ രംഗത്ത്. ഗുജറാത്തിലെ 25 വനിത ഹോംഗാര്‍ഡുകളാണ് രണ്ട് മുതിര്‍ന്ന ഉദ്യോഗസ്ഥര്‍ക്കെതിരേ സൂറത്ത് സിറ്റി പൊലീസ് കമ്മീഷ്ണര്‍ക്ക് പരാതി നല്‍കിയത്.
മുതിര്‍ന്ന രണ്ട് ഹോംഗാര്‍ഡുകളാണ് തങ്ങളുടെ കീഴിലുള്ള വനിത ഹോംഗാഡുകളെ ശാരീരികവും മാനസികവുമായി പീഡിപ്പിച്ചത്. സംഭവം വിവാദമായതോടെ ആരോപണ വിധേയര്‍ക്കെതിരേ ഗുജറാത്ത് പൊലീസ് അന്വേഷണം ആരംഭിച്ചു. സ്ഥലം മാറ്റം ലഭിക്കണമെങ്കില്‍ ഇവര്‍ക്ക് പണം നല്‍കണം അല്ലെങ്കില്‍ ലൈംഗികബന്ധത്തിലേര്‍പ്പെടാന്‍ നിര്‍ബന്ധിക്കും. ഉദ്യോഗസ്ഥരുടെ താല്‍പ്പര്യങ്ങള്‍ക്ക് വഴങ്ങാതിരുന്നാല്‍ പ്രതികാര നടപടി സ്വീകരിക്കാറുണ്ടെന്നും പരാതിയില്‍ പറയുന്നു. ദൂരസ്ഥലങ്ങളിലേക്ക് സ്ഥലം മാറ്റം നല്‍കുകയോ ജോലിക്കിടയില്‍ ശാരീരികമായി ഉപദ്രവിക്കുകയോ ചെയ്യും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
