ന്യൂഡല്‍ഹി: അയോധ്യയില്‍ രാമക്ഷേത്രം നിര്‍മ്മിക്കണമെന്ന് ന്യൂനപക്ഷകമ്മീഷന്‍ ചെയര്‍മാന്‍ ഹസ്സന്‍ റിസ് വി. മുസ്ലീങ്ങള്‍ക്ക് സമാധനപരമായി ജീവിക്കാന്‍ അയോധ്യയില്‍ ക്ഷേത്രം നിര്‍മ്മിക്കുന്നതാണ് ഉചിതമെന്ന് അദ്ദേഹം കൂട്ടിച്ചേര്‍ത്തു.
അയോധ്യയെ ചൊല്ലി സമുദായങ്ങള്‍ തമ്മിലുള്ള തര്‍ക്കത്തിന് ഉടന്‍ പരിഹാരമുണ്ടാകുമെന്നാണ് പ്രതീക്ഷിക്കുന്നത്. ഇത് സമുദായ സൗഹാര്‍ദ്ദം ശക്തിപ്പെടാന്‍ സഹായകമാകുമെന്നും അദ്ദേഹം പറഞ്ഞു. അയോധ്യ കേസില്‍ ഉടന്‍ വാദം തുടങ്ങുന്നതുമായി ബന്ധപ്പെട്ട് സുപ്രീം കോടതിയെ സമീപിക്കുന്ന കാര്യത്തില്‍ പതിനാലാം തിയ്യതി ചേരുന്ന യോഗത്തില്‍ തീരുമാനമെടുക്കുമെന്നും അദ്ദേഹം വ്യക്തമാക്കി.
രാജ്യത്ത് നിര്‍ഭയമായി മുസ്ലീങ്ങള്‍ക്ക് ജീവിക്കാന്‍ കഴിയുന്നില്ലെന്നാണ് വിവിധ സംഘടനകള്‍ ഉന്നയിക്കുന്നത്. നിലവിലെ സ്ഥിതി മെച്ചപ്പെടുന്നതിന് കമ്മീഷന്‍ ഇടപെടണമെന്നാണ് ഇവരുടെ ആവശ്യം.
അയോധ്യയില്‍ മുസ്ലീംപള്ളി സ്ഥാപിക്കുന്നതിനുള്ള ഒരു സാധ്യതയും നിലനില്‍ക്കുന്നില്ല. നൂറ് കോടി ഹിന്ദുക്കളുടെ വൈകാരിമായ വിഷയമാണ് അയോധ്യയിലെ ക്ഷേത്രനിര്‍മ്മാണമെന്നും അദ്ദേഹം പറഞ്ഞു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
