ന്യൂഡൽഹി: ശക്തമായ പ്രതിഷേധത്തെ തുടർന്ന് മിസോറാമിലെ തെരഞ്ഞെടുപ്പ് കമ്മീഷണറെ കേന്ദ്ര തെരഞ്ഞെടുപ്പ് കമ്മീഷൻ മാറ്റി. എസ്.ബി. ശശാങ്കിനെയാണ് മാറ്റിയത്. ശശാങ്കിനു പകരം ആശിഷ് കുന്ദ്രയെ പുതിയ തെരഞ്ഞെടുപ്പ് കമ്മീഷണറായി നിയമിച്ചു.
ത്രിപുരയിലേക്ക് കുടിയേറിയ അഭയാർഥികളെ വോട്ടർപട്ടികയിൽ ഉൾപ്പെടുത്തുന്നത് സംബന്ധിച്ച വൻ പ്രതിഷേധത്തെ തുടർന്നാണ് ശശാങ്കിനെ മാറ്റിയത്. നവംബര് 28ന് നിയമസഭാ തെരഞ്ഞെടുപ്പ് നടക്കാനിരിക്കെയാണ് തെരഞ്ഞെടുപ്പ് കമ്മീഷണറെ മാറ്റിയത്.
ജനങ്ങള്ക്ക് തെരഞ്ഞെടുപ്പ് കമ്മീഷണറില് വിശ്വാസം നഷ്ടപ്പെട്ടുവെന്ന് ചൂണ്ടിക്കാണിച്ചാണ് മുഖ്യമന്ത്രി ലാൽ തൻഹാവ്ല പ്രധാനമന്ത്രിക്ക് നേരത്തെ കത്ത് നല്കിയിരുന്നു.തെരഞ്ഞെടുപ്പ് പ്രക്രിയയില് അനാവശ്യ ഇടപെടല് നടത്തുന്നുവെന്ന് ചൂണ്ടിക്കാണിച്ച് ആഭ്യന്തരവകുപ്പ് പ്രിന്സിപ്പല് സെക്രട്ടറിയെ നേരത്തെ മാറ്റിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ