കോണ്‍ഗ്രസുമായി വിശാലസഖ്യത്തിനില്ലെന്ന് സിപിഎം; ബംഗാളിന്റെ കാര്യത്തില്‍ തര്‍ക്കം തുടരുന്നു

കോണ്‍ഗ്രസുമായി വിശാലസഖ്യത്തിനില്ലെന്ന് സിപിഎം; ബംഗാളിന്റെ കാര്യത്തില്‍ തര്‍ക്കം തുടരുന്നു
കോണ്‍ഗ്രസുമായി വിശാലസഖ്യത്തിനില്ലെന്ന് സിപിഎം; ബംഗാളിന്റെ കാര്യത്തില്‍ തര്‍ക്കം തുടരുന്നു

ന്യൂഡല്‍ഹി: വരുന്ന ലോക്‌സഭാ തെരഞ്ഞടുപ്പില്‍ കോണ്‍ഗ്രസ് നേതൃത്വം നല്‍കുന്ന വിശാല സഖ്യത്തിലേക്കില്ലെന്ന് സിപിഎം തീരുമാനം. തത്കാലം രാഷ്ട്രീയ സഖ്യം സംസ്ഥാനങ്ങളിലെ സാഹചര്യങ്ങള്‍ക്കനുസരിച്ച് മതിയെന്ന് ഡല്‍ഹിയില്‍ ചേര്‍ന്ന കേന്ദ്ര കമ്മറ്റി യോഗം തീരുമാനിച്ചു.

പശ്ചിമബംഗാളില്‍ കോണ്‍ഗ്രസുമായി സഖ്യം വേണമോ എന്ന കാര്യത്തില്‍ തര്‍ക്കം തുടരുന്ന സാഹചര്യത്തില്‍ യോഗത്തില്‍ തീരുമാനമായില്ല. തമിഴ്‌നാട്ടില്‍ കോണ്‍ഗ്രസ് ഉണ്ടെങ്കിലും ഡിഎംകെയുമായി സഖ്യം തുടരാനാണ് തീരുമാനം.വരാനിരിക്കുന്ന അഞ്ച് നിയമസഭാ തിരഞ്ഞെടുപ്പുകളിലും കോണ്‍ഗ്രസുമായി സഹകരണം വേണ്ടെന്നും യോഗം നിലപാട് കൈക്കൊണ്ടു.

ശബരിമല വിഷയത്തില്‍ സിപിഎം സംസ്ഥാന ഘടകത്തിന്റെ നിലപാടില്‍ കേന്ദ്രകമ്മറ്റി പൂര്‍ണ പിന്തുണ നല്‍കി. തെലുങ്കാനയില്‍ സിപിഎമ്മിന്റെ നേതൃത്വത്തില്‍ ബഹുജന ഇടതു മുന്നണി രൂപീകരിക്കാന്‍ തീരുമാനമായി.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com