ബംഗാള്‍ ഉള്‍ക്കടലില്‍ ന്യൂനമര്‍ദ്ദം; ഒഡീഷയില്‍ ചുഴലിക്കാറ്റ് മുന്നറിയിപ്പ്

ബുധനാഴ്ചയും വ്യാഴാഴ്ചയും ഒഡീഷയില്‍ മണിക്കൂറില്‍ 90 കിലോമീറ്റര്‍ വേഗതയില്‍ വരെ കാറ്റടിച്ചേക്കാമെന്നും സുരക്ഷിതസ്ഥാനങ്ങളിലേക്ക് മാറണമെന്നും കാലാവസ്ഥാ വകുപ്പ്
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; ഒഡീഷയില്‍ ചുഴലിക്കാറ്റ് മുന്നറിയിപ്പ്

ഭുവനേശ്വര്‍: ബംഗാള്‍ ഉള്‍ക്കടലില്‍ രൂപമെടുത്ത ന്യൂനമര്‍ദ്ദം ഒഡീഷയുടെ തീരത്തേക്ക് നീങ്ങിയതായി കാലാവസ്ഥാ നിരീക്ഷണ കേന്ദ്രം. അടുത്ത 48 മണിക്കൂറിനുള്ളില്‍ ചുഴലിക്കാറ്റിന് സാധ്യതയുണ്ടെന്നും ജാഗ്രത പാലിക്കണമെന്നും മുന്നറിയിപ്പ് പുറപ്പെടുവിച്ചിട്ടുണ്ട്. ന്യൂനമര്‍ദ്ദത്തിന്റെ ഭാഗമായുള്ള മഴ ഒക്ടോബര്‍ ഒന്‍പത് മുതല്‍ ഒഡീഷയില്‍ ലഭിച്ചു തുടങ്ങുമെന്നാണ് പ്രതീക്ഷിക്കുന്നത്. 

കടല്‍ക്ഷോഭ സാധ്യതകളുള്ളതിനാല്‍ ആഴക്കടല്‍ മത്സ്യബന്ധനത്തില്‍ നിന്നും മത്സ്യത്തൊഴിലാളികള്‍ക്ക് വിലക്കേര്‍പ്പെടുത്തിയിട്ടുണ്ട്. പന്ത്രണ്ടാം തിയതി വരെയാണ് നിരോധനം ഏര്‍പ്പെടുത്തിയത്. തീരപ്രദേശത്തും ഒറ്റപ്പെട്ട സ്ഥലങ്ങളിലും മഴയുടെ ശക്തി കൂടുമെന്നും കാലാവസ്ഥാ നിരീക്ഷണകേന്ദ്രം പറയുന്നു.

ആന്ധ്രയുടെ വടക്കന്‍ മേഖലകളിലും , ഒഡീഷയിലും മണിക്കൂറില്‍ 45-55 കിലോമീറ്റര്‍ വേഗതയില്‍ കാറ്റ് വീശിയേക്കാമെന്നും ഇത് ബുധനാഴ്ചയോടെ പശ്ചിമ ബംഗാള്‍ തീരത്തേക്ക് നീങ്ങുമെന്നുമാണ് പ്രവചനം. ബുധനാഴ്ചയും വ്യാഴാഴ്ചയും ഒഡീഷയില്‍ മണിക്കൂറില്‍ 90 കിലോമീറ്റര്‍ വേഗതയില്‍ വരെ കാറ്റടിച്ചേക്കാമെന്നും സുരക്ഷിതസ്ഥാനങ്ങളിലേക്ക് മാറണമെന്നും കാലാവസ്ഥാ വകുപ്പ് ജനങ്ങള്‍ക്ക് നിര്‍ദ്ദേശം നല്‍കി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com