തോക്ക് കേടായി, വെടിവെക്കുന്ന ശബ്ദത്തിൽ മിമിക്രി കാണിച്ച് കുറ്റവാളിയെ പേടിപ്പിക്കാൻ ശ്രമിച്ച് പൊലീസുകാരൻ
ലഖ്നൗ: ഏറ്റുമുട്ടലിനിടെ തോക്ക് കേടായപ്പോൾ മിമിക്രി കാണിച്ച് കുറ്റവാളിയെ പേടിപ്പിച്ച് കുടുക്കുന്ന സംഭവം ആദ്യമായാകും കേൾക്കുന്നത്. ഉത്തർപസ്റ്റദേശിലാണ് സംഭവം. സംഭാലിൽ കുറ്റവാളിയെ നേരിടുന്നതിനിടെയാണ് തോക്ക് പ്രവർത്തനരഹിതമായതിനെ തുടർന്ന് നിറയൊഴിക്കുന്നതിന്റെ ശബ്ദം മിമിക്രി കാട്ടി പോലീസ് പണിപറ്റിച്ചത്.
പോലീസിന്റെ മിമിക്രി വീഡിയോ സമൂഹമാധ്യമങ്ങളിൽ വൈറലാണിപ്പോൾ. രുക്സർ എന്ന കുറ്റവാളിയെ പിന്തുടരവെയാണ് പൊലീസ് മിമിക്രി നടത്തിയത്. രുക്സറിനെ പിന്തുടർന്നെത്തിയ പൊലീസ് സംഘത്തിൽ ഒരാളുടെ തോക്കിൽനിന്നു നിറയൊഴിക്കാൻ കഴിഞ്ഞില്ല. ഇതേതുടർന്ന് മറ്റൊരു പൊലീസുകാരൻ വെടിയുതിർക്കുന്ന ശബ്ദം അനുകരിക്കുകയായിരുന്നു. സംഘത്തിലെ മറ്റു പൊലീസുകാർ ആകാശത്തേക്കു നിറയൊഴിക്കുന്നതും ദൃശ്യങ്ങളിൽ വ്യക്തമാണ്.
18 ക്രിമിനൽ കേസുകളിൽ പ്രതിയായ രുക്സറിനെ പിന്നീട് പൊലീസ് അറസ്റ്റ് ചെയ്തു. കാലിനു വെടിവച്ചു വീഴ്ത്തിയാണ് ഇയാളെ പൊലീസ് പിടികൂടിയത്. ഏറ്റുമുട്ടലിൽ ഒരു പോലീസുകാരനു പരിക്കേറ്റു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ