കൊതുകുതിരിയിൽ നിന്ന് തീ പടർന്നു ; വൃദ്ധയ്ക്ക് ദാരുണാന്ത്യം

തിരുവെരുമ്പൂർ സ്വദേശിനി സരസ്വതി ആണ് അതിദാരുണമായി മരിച്ചത്
പ്രതീകാത്മക ചിത്രം
പ്രതീകാത്മക ചിത്രം

ട്രിച്ചി : കൊതുകുതിരിയിൽ നിന്ന് തീ പടർന്ന് വൃദ്ധ വെന്തുമരിച്ചു. ത്രിച്ചി തിരുവെരുമ്പൂർ സ്വദേശിനി സരസ്വതി (75) ആണ് അതിദാരുണമായി മരിച്ചത്. രാത്രി കിടക്കാന്‍നേരത്ത് കത്തിച്ചുവച്ച കൊതുകുതിരിയില്‍നിന്ന് പുതപ്പിലേക്ക് തീ പടരുകയായിരുന്നു. 

എന്നാൽ തീ പടർന്ന കാര്യം ഉറക്കത്തിലായിരുന്ന വൃദ്ധ അറിഞ്ഞില്ല. മുറിയിലാകെ തീ പടര്‍ന്നതോടെ അയല്‍പക്കക്കാര്‍ ഓടിയെത്തിയെങ്കിലും വാതില്‍ അകത്തുനിന്ന് പൂട്ടിയിരുന്നതിനാല്‍  തീ അണയ്ക്കാനായില്ല. ഒടുവില്‍ ഏറെ നേരത്തെ കഠിനപ്രയത്നത്തിനൊടുവിൽ പുറത്തെത്തിച്ചപ്പോഴേക്കും സരസ്വതിക്ക് ഏതാണ്ട് 90 ശതമാനത്തോളം പൊള്ളലേറ്റിരുന്നു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com