മുംബൈ: അബുദാബിയില്‍ നിന്ന് ജക്കാര്‍ത്തയിലേക്കുള്ള യാത്രക്കിടെ യുവതി വിമാനത്തില്‍ പ്രസവിച്ചു. എത്തിഹാദ് വിമാനത്തിലാണ് ഇന്തോനേഷ്യന്‍ യുവതി പ്രസവിച്ചത്. അടിയന്തര സാഹചര്യമുണ്ടായത് മൂലം ജക്കാര്‍ത്തയിലേക്ക് പറന്ന വിമാനം വഴി തിരിച്ച ശേഷം മുംബൈയിലെ ശിവാജി മഹാരാജ് വിമാനത്താവളത്തില്‍ ഇറക്കി.
തുടര്‍ന്ന് അമ്മയെയും കുഞ്ഞിനെയും അതിവേഗം സെവന്‍ ഹില്‍സ് ആശുപത്രിയിലേക്ക് മാറ്റി. അമ്മയും കുഞ്ഞും സുരക്ഷിതരാണെന്നാണ് ആശുപത്രിയില്‍ നിന്ന് ലഭിച്ച റിപ്പോര്‍ട്ട്. ബാക്കി വിവരങ്ങള്‍ ഇതുവരെ ലഭ്യമായിട്ടില്ല. ഇവൈ474 എന്ന എത്തിഹാദ് വിമാനമാണ് മുംബൈയില്‍ ഇറക്കിയത്. അടിയന്തര സാഹചര്യം മൂലം വിമാനം രണ്ട് മണിക്കൂര്‍ വൈകിയതായി അധികൃതര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
