ന്യൂഡല്ഹി: മുന് ഡല്ഹി മുഖ്യമന്ത്രിയും ബിജെപി നേതാവുമായിരുന്ന മദന് ലാല് ഖുറാന അന്തരിച്ചു. 82 വയസ്സായിരുന്നു. ഇന്നലെ രാത്രി 11 മണിയോടെ ഡല്ഹിയിലെ വസതിയിലായിരുന്നു അന്ത്യം. പ്രയാധിക്യംമൂലമുള്ള രോഗങ്ങളെ തുടര്ന്ന് കഴിഞ്ഞ രണ്ട് വർഷമായി അദ്ദേഹം ചികിത്സയിലായിരുന്നു. പനിയും അണുബാധയും മൂലം കഴിഞ്ഞ കുറച്ചു ദിവസങ്ങളായി അവശനായിരുന്നെന്ന് മകൻ ഹരീഷ് ഖുറാന പറഞ്ഞു.
1993-1996 കാലയളവിലാണ് മദന് ലാല് ഖുറാന ഡല്ഹി മുഖ്യമന്ത്രിയായിരുന്നത്. 2004-ല് അദ്ദേഹം രാജസ്ഥാന് ഗവര്ണര് പദവിയും അലങ്കരിച്ചിട്ടുണ്ട്. ഡല്ഹിക്കാര്ക്കായി ജീവിതം ഒഴിഞ്ഞുവച്ച ഒരു മികച്ച നേതാവിനെയാണ് നഷ്ടപ്പെട്ടിരിക്കുന്നതെന്ന് ബിജെപി നേതാവ് മനോജ് തിവാരി പറഞ്ഞു. മരണത്തിൽ പ്രധാനമന്ത്രി നരേന്ദ്രമോദിയും അനുശോചനം രേഖപ്പെടുത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ