യോഗിയുടെ പേരില്‍ 10 രൂപയ്ക്ക് ഊണുമായി നഗരഭരണകൂടം 

  സാമൂഹ്യക്ഷേമം മുന്‍നിര്‍ത്തി 10 രൂപയ്ക്ക് ഉച്ചഭക്ഷണം ലഭ്യമാക്കി അലഹബാദ് നഗരഭരണകൂടം.
യോഗിയുടെ പേരില്‍ 10 രൂപയ്ക്ക് ഊണുമായി നഗരഭരണകൂടം 

ലക്‌നൗ:   സാമൂഹ്യക്ഷേമം മുന്‍നിര്‍ത്തി 10 രൂപയ്ക്ക് ഉച്ചഭക്ഷണം ലഭ്യമാക്കി അലഹബാദ് നഗരഭരണകൂടം. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ പേരിലാണ് പുതിയ പദ്ധതി. യോഗി താലി എന്ന പേരില്‍ 10 രൂപയ്ക്ക് ഉച്ചഭക്ഷണം വിതരണം ചെയ്യുന്നതിനുളള പദ്ധതി ഉദ്ഘാടനം ചെയ്തു. സ്വകാര്യ വ്യക്തിയുടെ സഹായത്തോടെയാണ് പദ്ധതി നടപ്പിലാക്കിയിരിക്കുന്നത്.

കുറഞ്ഞ ചെലവില്‍ ഭക്ഷണം ലഭ്യമാക്കുന്ന പദ്ധതിയുടെ ഉദ്ഘാടനം അലഹബാദ് മേയര്‍ അഭിലാഷ് ഗുപ്തയാണ് നിര്‍വഹിച്ചത്. ദരിദ്ര ജനവിഭാഗങ്ങള്‍, അംഗപരിമിതര്‍, ഉള്‍പ്പെടെ സമൂഹത്തില്‍ പിന്നാക്കം നില്‍ക്കുന്നവര്‍ക്ക് ഒരു കൈത്താങ്ങ് എന്നതാണ് പദ്ധതിയുടെ ലക്ഷ്യമെന്ന് അഭിലാഷ് ഗുപ്ത പറഞ്ഞു. 

അലഹബാദ് അട്ടാര്‍സൂയ പ്രദേശത്താണ് വിതരണ കേന്ദ്രം ആരംഭിച്ചിരിക്കുന്നത്. ഒഴിഞ്ഞ വയറുമായി ആരും ഉറങ്ങാന്‍ പോകരുത് എന്നതാണ് ഈ പദ്ധതിയുടെ ലക്ഷ്യമെന്ന് അധികൃതര്‍ വ്യക്തമാക്കി.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com