ആഗ്ര: മൊബൈല്‍ ഫോണ്‍ മോഷ്ടാവായ ഇംഗ്ലീഷ് അധ്യാപകനെ പിടികൂടി ചോദ്യം ചെയ്ത പൊലീസിന് ലഭിച്ചത് ഞെട്ടിപ്പിക്കുന്ന വിവരങ്ങള്‍. കാമുകി എപ്പോഴും സന്തോഷവതിയായിരിക്കാനാണ് താന്‍ കുറ്റകൃത്യങ്ങളില്‍ ഏര്‍പ്പെട്ടതെന്ന് ഇംഗ്ലീഷ് അധ്യാപകന്‍ പൊലീസിന് മൊഴി നല്‍കി.
ഉത്തര്‍പ്രദേശിലെ ആഗ്രയിലാണ് സംഭവം. സ്‌കൂള്‍ വിദ്യാര്‍ത്ഥികളെ ഉദേശിച്ചുളള സ്വകാര്യ ട്യൂഷന്‍ സെന്ററിലെ ഇംഗ്ലീഷ് അധ്യാപകനായ ജയ്കുമാറാണ് കൂട്ടാളിയൊടൊപ്പം പൊലീസ് പിടിയിലായത്. മോഷ്ടിച്ച എട്ടു മൊബൈല്‍ ഫോണുകള്‍ ഇവരില്‍ നിന്ന് പൊലീസ് പിടിച്ചെടുത്തു. നാഷണല്‍ ഹൈവേ രണ്ടിലാണ് ഇവര്‍ മൊബൈല്‍ മോഷണം പതിവായി നടത്താറെന്ന് പൊലീസ് പറയുന്നു.
തുടര്‍ന്ന് നടത്തിയ ചോദ്യം ചെയ്യലിലാണ് സംഭവത്തിന്റെ ചുരുള്‍ അഴിഞ്ഞത്. കാമുകി എപ്പോഴും സന്തോഷവതിയായിരിക്കാനാണ് താന്‍ കുറ്റകൃത്യങ്ങളില്‍ ഏര്‍പ്പെട്ടതെന്ന് ബിഎസ് സി ബിരുദധാരിയായ ജയ്കുമാര്‍ പൊലീസിന് മൊഴി നല്‍കി. ഇതിനായി പെണ്‍കുട്ടി ഉന്നയിക്കുന്ന ഏത് ആവശ്യവും നിറവേറ്റി കൊടുക്കാറുണ്ടെന്നും ഇദ്ദേഹം പൊലീസിനോട് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
