ന്യൂഡല്ഹി: കൈലാസ യാത്രയുടെ വിഡിയോ ട്വിറ്ററില് പങ്കുവച്ച് കോണ്ഗ്രസ് അധ്യക്ഷന് രാഹുല് ഗാന്ധി. ശിവനാണ് പ്രപഞ്ചം എന്ന അടിക്കുറിപ്പോടെയാണ് രാഹുല് വിഡിയോ പോസ്റ്റ് ചെയ്തിരിക്കുന്നത്.
കൈലാസയാത്രയ്ക്കിടെ നേരത്തെ മാനസരോവറില് നിന്നുള്ള ചിത്രങ്ങള് രാഹുല് സാമൂഹ്യ മാധ്യമങ്ങളില് പങ്കുവച്ചിരുന്നു. തടാകത്തിന്റെ ചിത്രങ്ങളാണ് രാഹുല് ട്വിറ്ററില് പോസ്റ്റ് ചെയ്തത്.
ഇവിടെ വെറുപ്പോ പകയോ ഇല്ലെന്നും ഒന്നും നഷ്ടപ്പെടുത്താതെ എല്ലാം നേടിത്തരുന്ന പ്രശാന്തതയോടെ ഒഴുകുന്ന തടാകമെന്നുമാണ് രാഹുല് മാനസരോവറിനെ വര്ണിച്ചത്.
ചൈനയുമായുള്ള ബന്ധമാണ് രാഹുലിനെ കൈലാസ യാത്രയ്ക്ക് പ്രേരിപ്പിച്ചതെന്നും യാത്രയ്ക്കിടെ രാഹുല് മാംസം കഴിച്ചതായും ബിജെപി ആരോപിച്ചിരുന്നു. ഈ വിവാദങ്ങള്ക്കിടയിലാണ് രാഹുല് ഗാന്ധിയുടെ യാത്ര പുരോഗമിക്കുന്നത്. ഇക്കഴിഞ്ഞ 31നാണ് രാഹുല് കൈലാസത്തിലേക്ക് യാത്ര പോയത്. ഈ മാസം 12 വരെയായിരിക്കും യാത്ര.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ