പൈഥഗോറസ്, ഐൻസ്റ്റീൻ, ന്യൂട്ടൻ; ലോകത്തെ മാറ്റിമറിച്ച സമവാക്യങ്ങൾക്കൊപ്പം ഇനി നമോയും!

ന്യൂഡൽഹി: ഇന്ധന വില അടിക്കടി വർധിക്കുന്നതിനെതിരേ രാജ്യമെങ്ങും വൻ പ്രതിഷേധമാണ്. കേന്ദ്ര സർക്കരിനെ അടപടലം ട്രോളുകയാണ് സോഷ്യൽ മീഡിയ. അത്തരമൊരു ട്രോളാണ് ഇപ്പോൾ തരം​ഗമായിരിക്കുന്നത്. മുൻ എം.പിയും കോൺഗ്രസ് സോഷ്യൽ മീഡിയ മേധാവിയുമായ നടി ദിവ്യ സ്പന്ദന ട്വിറ്ററിലിട്ട പോസ്റ്റാണ് വൈറലായത്. 

Some of the equations that changed the world pic.twitter.com/XC93frZ1wh

— Divya Spandana/Ramya (@divyaspandana) September 12, 2018

പൈഥഗോറസ്, ആൽബർട്ട് ഐൻസ്റ്റീൻ, ഐസക് ന്യൂട്ടൻ എന്നിവരോടൊപ്പം പ്രധാനമന്ത്രി നരേന്ദ്ര മോദിയുടെ ചിത്രവും ഉൾപ്പെടുത്തിയ ട്വീറ്റാണ് കൗതുകമാകുന്നത്. ലോകത്തെ മാറ്റിമറിച്ച സമവാക്യങ്ങൾക്കൊപ്പം ഇനി നമോയുമുണ്ടെന്നാണ് ദിവ്യയുടെ പരി​ഹാസ ട്വീറ്റ്. പൈഥഗോറസ് സിദ്ധാന്തവും ആൽബർട്ട് ഐൻസ്റ്റീന്റെയും ന്യൂട്ടന്റെയും സമവാക്യവും ഇന്ധന വില വർദ്ധനയിൽ ബിജെപിയുടെ ബാർ ഡയഗ്രവും ഉൾപ്പെടുത്തിയൊരു ചിത്രവും ഇതിനൊപ്പമുണ്ട്. ലോകത്തെ മാറ്റിമറിച്ച സമവാക്യങ്ങളെന്ന് അടിക്കുറിപ്പുമുണ്ട്.