ഹൈദരാബാദ്: കാമുകന് തൂങ്ങിമരിച്ചെന്ന വാര്ത്തകേട്ട പത്തൊന്പതുകാരി സ്വയം തീകൊളുത്തി ആത്മഹത്യചെയ്തു. അടുത്തടുത്ത വീടുകളില് താമസിച്ച ഇരുവരും ആത്മഹത്യചെയ്യാനുണ്ടായ സാഹചര്യം വ്യക്തമല്ലെന്ന് പൊലീസ് പറഞ്ഞു.
മരിക്കുന്നതിന്റെ തലേദിവസം കാമുകന് സുഹൃത്തുക്കളുമായി മദ്യപിച്ചിരിക്കെ പെണ്കുട്ടി ഫോണില് വിളിച്ചിരുന്നെന്നും അന്ന് ഇരുവര്ക്കുമിടയില് വാക്കുതര്ക്കമുണ്ടായതായും സുഹൃത്തുക്കള് പറഞ്ഞു. ഫോണ്വിളിക്ക് ശേഷം വീട്ടിലേക്ക് മടങ്ങിയ യുവാവ് തിങ്കളാഴ്ച മടങ്ങിയെത്തുമെന്നറിയിച്ച് വീട്ടില് നിന്നിറങ്ങി. പിന്നീട് സഹോദരനെയും സുഹൃത്തിനെയും വിളിച്ച് താന് ആത്മഹത്യ ചെയ്യുകയാണെന്ന് അറിയിക്കുകയായിരുന്നു. ഒരു മരത്തില് തൂങ്ങിമരിച്ച നിലയിലാണ് യുവാവിന്റെ മൃതദേഹം കണ്ടെത്തിയത്.
യുവാവിന്റെ മരണവാര്ത്ത അറിഞ്ഞ പെണ്കുട്ടി ശരീരം മുഴുവന് മണ്ണെണ്ണ ഒഴിച്ച ശേഷം തീകൊളുത്തുകയായിരുന്നു. ഇവര്ക്കിടയിലെ പ്രണയത്തെക്കുറിച്ച് ഇരുവരുടെയും വീട്ടുകാര് അറിഞ്ഞിരുന്നില്ലെന്നും പൊലീസ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ