'സർജിക്കൽ സ്ട്രൈക്ക് ദിനം ആചരിക്കണം' ; സർവകലാശാലകളോട് യുജിസി

ന്യൂ​ഡ​ൽ​ഹി: പാ​ക് അതിർത്തി കടന്ന് ഭീകരകേന്ദ്രങ്ങളിൽ ഇന്ത്യ നടത്തിയ മിന്നലാക്രമണത്തിന്റെ വാർഷിക ദിനം ആചരിക്കണമെന്ന് സർവകലാശാലകൾക്ക് യുജിസിയുടെ നിർദേശം. സെ​പ്റ്റം​ബ​ർ 29 സ​ർ​ജി​ക്ക​ൽ സ്ട്രൈ​ക്ക് ദി​ന​മാ​യി ആ​ച​രി​ക്കാ​നാ​ണ് ആവശ്യപ്പെട്ടിട്ടുള്ളത്. രാജ്യത്തെ എല്ലാ സർവകലാശാല വൈസ് ചാൻസലർമാർക്കും അയച്ച കത്തിലാണ്  യൂണിവേഴ്സിറ്റി ​ഗ്രാന്റ്സ് കമ്മീഷൻ ഇക്കാര്യം നിർദേശിച്ചിട്ടുള്ളത്. 

അന്നേദിനം സർവകലാശാലകളിലെയും ഉന്നത വിദ്യാഭ്യാസ സ്ഥാപനങ്ങളിലെയും വിദ്യാർത്ഥികൾ, രാജ്യത്തെ സൈന്യത്തിന് പിന്തുണ അറിയിച്ചുകൊണ്ടുള്ള പ്രതിജ്ഞ എടുക്കണമെന്നും കത്തിൽ നിർദേശിച്ചിട്ടുണ്ട്. സ​ര്‍​വ​ക​ലാ​ശാ​ല​ക​ളി​ലെ എ​ന്‍​സി​സി യൂ​ണി​റ്റു​ക​ള്‍ പ്ര​ത്യേ​ക പ​രേ​ഡു​ക​ള്‍ സം​ഘ​ടി​പ്പി​ക്ക​ണ​മെ​ന്നും യു​ജി​സി നി​ർ​ദേ​ശി​ച്ചു. അതിർത്തി സംരക്ഷിക്കുന്നത് സംബന്ധിച്ച് എൻസിസി കമാണ്ടർ പ്രഭാഷണം നടത്തണം. 

കൂടാതെ സ​ർ​ജി​ക്ക​ൽ സ്ട്രൈ​ക്ക് ദി​നാ​ച​ര​ണ​ത്തോ​ട് അ​നു​ബ​ന്ധി​ച്ച് പ്ര​ത്യേ​ക പ​രേ​ഡ്‌, എ​ക്‌​സി​ബി​ഷ​ൻ എ​ന്നി​വ സം​ഘ​ടി​പ്പി​ക്കാ​നും യു​ജി​സി നി​ർ​ദേ​ശി​ച്ചി​ട്ടു​ണ്ട്. കോളേജുകളിലും സർവകലാശാലകളിലും മുൻ സൈനികരെ ക്ഷണിച്ച് യോ​ഗം സംഘടിപ്പിക്കണം. സാ​യു​ധ സേ​ന​ക​ള്‍​ക്ക്‌ ആ​ശം​സ​നേ​ര്‍​ന്നു​കൊ​ണ്ട്‌ കാ​ർ​ഡ് അ​യ​ക്കാ​നും യു​ജി​സി ആ​വ​ശ്യ​പ്പെ​ട്ടിട്ടുണ്ട്.