ഈറോഡ്: അഭിഭാഷകയെ പീഡിപ്പിക്കാൻ ശ്രമിച്ചെന്ന പരാതിയിൽ ജുഡീഷൽ മജിസ്ട്രേറ്റിനെ സസ്പെൻഡ് ചെയ്തു. തമിഴ്നാട് സത്യമംഗലം ജുഡീഷൽ മജിസ്ട്രേറ്റ് ആർ.രാജവേലുവിനെയാണ് പ്രിൻസിപ്പൽ ഡിസ്ട്രിക്റ്റ് ജഡ്ജി എൻ.ഉമാ മഹേശ്വരി സസ്പെൻഡ് ചെയ്ത് അന്വേഷണത്തിന് ഉത്തരവിട്ടത്.
മജിസ്ട്രേറ്റ് അപമര്യാദയായി പെരുമാറിയെന്നും പീഡിപ്പിക്കാൻ ശ്രമിച്ചെന്നുമാണ് അഭിഭാഷകയുടെ പരാതി. മറ്റൊരു അഭിഭാഷകൻ വഴിയാണ് അഭിഭാഷക പരാതി നൽകിയത്. മജിസ്ട്രേറ്റ് അപമര്യാദയായി പെരുമാറിയെന്നതിന്‍റെ തെളിവായി ശബ്ദരേഖയും അഭിഭാഷക പരാതിയോടൊപ്പം സമർപ്പിച്ചിട്ടുണ്ട്. പ്രാഥമിക അന്വേഷണത്തിനു ശേഷമാണ് മജിസ്ട്രേറ്റിനെ ജില്ലാ ജഡ്ജ് സസ്പെൻഡ് ചെയ്തത്. മജിസ്ട്രേറ്റിനെതിരേ കൂടുതൽ അന്വേഷണം നടക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
