ലക്‌നൗ : എടിഎമ്മില്‍ നിന്നും 18 ലക്ഷം രൂപ കവര്‍ന്ന സംഭവത്തില്‍ ബാങ്ക് മാനേജര്‍ പിടിയില്‍. ഉത്തര്‍പ്രദേശിലെ ഷാംലിയിലാണ് സംഭവം. ഒരു വിദേശബാങ്കിന്റെ ബ്രാഞ്ച് മാനേജറായ റോബിന് ബന്‍സലാണ് പൊലീസിന്റെ പിടിയിലായത്.
മാര്‍ച്ച് നാലിനാണ് ബാങ്കിന്റെ ഷാംലിയിലെ എടിഎമ്മില്‍ നിന്നും 18 ലക്ഷം രൂപ മോഷണം പോകുന്നത്. അന്വേഷണത്തില്‍ ബന്തികേഡ ഗ്രാമത്തിലെ ബാങ്കിലെ മാനേജറായ റോബിന് കവര്‍ച്ചയില്‍ പങ്കുണ്ടെന്ന് പൊലീസ് കണ്ടെത്തി.
ഇതിനു പിന്നാലെ റോബിന് ഒളിവില്‍ പോകുകയായിരുന്നു. വെള്ളിയാഴ്ചയാണ് റോബിനെ പൊലീസ് പിടികൂടിയത്. ഇയാളുടെ പക്കല്‍ നിന്നും 14 ലക്ഷം രൂപ കണ്ടെടുത്തതായി പൊലീസ് സൂപ്രണ്ട് ദിനേഷ് കുമാര്‍ പറഞ്ഞു.
കേസില്‍ ചേതന് എന്നയാളെ പൊലീസ് നേരത്തെ അറസ്റ്റ് ചെയ്തിരുന്നു. കൂട്ടുപ്രതിയായ ചേതന് എടിഎമ്മിന്റെ പാസ് വേര്‍ഡും, എടിഎം തുറക്കുന്നതിനുള്ള ടെക്‌നിക്കും റോബിന് ബന്‍സല്‍ പറഞ്ഞുകൊടുക്കുകയായിരുന്നുവെന്ന് പൊലീസ് വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
