ചര്‍ച്ചയ്ക്കിടയില്‍ 'രാജ്യദ്രോഹി'യെന്ന് വിളിച്ചു; ബിജെപി വക്താവിന്റെ തലയില്‍ കോണ്‍ഗ്രസ് നേതാവ് വെള്ളം കോരി ഒഴിച്ചു (വിഡിയോ)

സഹികെട്ട അലോക് ശര്‍മ്മ കുടിക്കാനായി ചാനല്‍ സ്റ്റുഡിയോയില്‍ നിന്ന് നല്‍കിയ വെള്ളം എടുത്ത് കെ കെ ശര്‍മ്മയുടെ അടുത്തേക്ക് പോയി. പക്ഷേ ഒഴിച്ച വെള്ളം വീണത്
ചര്‍ച്ചയ്ക്കിടയില്‍ 'രാജ്യദ്രോഹി'യെന്ന് വിളിച്ചു; ബിജെപി വക്താവിന്റെ തലയില്‍ കോണ്‍ഗ്രസ് നേതാവ് വെള്ളം കോരി ഒഴിച്ചു (വിഡിയോ)

ന്യൂഡല്‍ഹി: വാര്‍ത്താ ചാനലുകളിലെ ചൂടേറിയ ചര്‍ച്ചകള്‍ കൈവിട്ട് പോയാല്‍ എന്ത് ചെയ്യും? ഹിന്ദി വാര്‍ത്താ ചാനലായ ന്യൂസ് 24 ന്റെ ചര്‍ച്ചയ്ക്കിടയിലാണ് കാര്യം കൈവിട്ടു പോയത്. ചര്‍ച്ചയ്ക്കിടയില്‍ ഒന്നിലേറെ പ്രാവശ്യം കോണ്‍ഗ്രസ് നേതാവായ അലോക് ശര്‍മ്മയെ ബിജെപി വക്താവായ കെ കെ ശര്‍മ്മ രാജ്യദ്രോഹിയെന്ന് വിളിച്ചിരുന്നു.

സഹികെട്ട അലോക് ശര്‍മ്മ കുടിക്കാനായി ചാനല്‍ സ്റ്റുഡിയോയില്‍ നിന്ന് നല്‍കിയ വെള്ളം എടുത്ത് കെ കെ ശര്‍മ്മയുടെ അടുത്തേക്ക് പോയി. പക്ഷേ ഒഴിച്ച വെള്ളം വീണത് വാര്‍ത്താ അവതാരകന്റെ തലയിലൂടെ ആയിരുന്നുവെന്ന് മാത്രം. ആദ്യം ഞെട്ടിയെങ്കിലും പിന്നീട് അദ്ദേഹം ചര്‍ച്ച തുടര്‍ന്നു.
 
അവതാരകനെ വെള്ളം കോരി ഒഴിച്ചതിന് മാപ്പ് പറയണമെന്ന് ബിജെപി വക്താവ് ആവശ്യപ്പെട്ടുവെങ്കിലും അലോക് ശര്‍മ്മ വഴങ്ങിയില്ല. നിങ്ങളാണ് ഇതിന് കാരണമെന്നായിരുന്നു അലോകിന്റെ പ്രതികരണം.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com