ശ്രീനഗര്‍: ജമ്മുകശ്മീരിലെ കുപ്വാരയില്‍ പ്രതിഷേധക്കാര്‍ക്ക് നേരെ സൈന്യം നടത്തിയ വെടിവയ്പ്പില്‍ ഒരാള്‍ കൊല്ലപ്പെട്ടു. മൂന്നു പേര്‍ക്ക് പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. വെടിയേറ്റയാളെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. വ്യാഴാഴ്ച കുപ്വാരയിലെ ഹന്ദ്വാരയിലാണ് സംഭവമുണ്ടായത്.
ഹന്ദ്വാരയിലെ മണ്ഡിഗാവില്‍ ലോക്‌സഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് പൂര്‍ത്തിയായതിന് ശേഷമാണ് സംഘര്‍ഷം ഉടലെടുക്കുന്നത്. പോളിംഗ് ജോലികള്‍ പൂര്‍ത്തിയാക്കിയതിന് ശേഷം മടങ്ങുകയായിരുന്ന ഉദ്യോഗസ്ഥര്‍ക്ക് നേരെ പ്രതിഷേധക്കാര്‍ കല്ലെറിയുകയായിരുന്നു. ഇതോടെ സുരക്ഷാഉദ്യോഗസ്ഥര്‍ വെടിയുതിര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
