ഗുജറാത്തില്‍ കോണ്‍ഗ്രസ് രണ്ടക്കം കടക്കും; മെയ് 23ന് ബിജെപി അധികാരത്തിലെത്തില്ല: അഹമ്മദ് പട്ടേല്‍

ലോക്‌സഭ തെരഞ്ഞെടുപ്പില്‍ ബിജെപി പരാജയപ്പെടുമെന്ന് മുതിര്‍ന്ന കോണ്‍ഗ്രസ് നേതാവ് അഹമ്മദ് പട്ടേല്‍
ഗുജറാത്തില്‍ കോണ്‍ഗ്രസ് രണ്ടക്കം കടക്കും; മെയ് 23ന് ബിജെപി അധികാരത്തിലെത്തില്ല: അഹമ്മദ് പട്ടേല്‍

അഹമ്മദാബാദ്: ലോക്‌സഭ തെരഞ്ഞെടുപ്പില്‍ ബിജെപി പരാജയപ്പെടുമെന്ന് മുതിര്‍ന്ന കോണ്‍ഗ്രസ് നേതാവ് അഹമ്മദ് പട്ടേല്‍.ഗുജറാത്തില്‍ കോണ്‍ഗ്രസ് മികച്ച വിജയം നേടും. സംസ്ഥാനത്ത് രണ്ടക്ക സീറ്റുകളില്‍ വിജയം ഉറപ്പാണെന്നും അഹമ്മദ് പട്ടേല്‍ പറഞ്ഞു.

ലോക്‌സഭ തെരഞ്ഞെടുപ്പില്‍ ബിജെപി പരാജയപ്പെടുമെന്നത് തങ്ങള്‍ക്ക് പ്രതീക്ഷ മാത്രമല്ലെന്നും വലിയ ആത്മവിശ്വാസം കൂടിയാണെന്നും അഹമ്മദ് പട്ടേല്‍ പറഞ്ഞു. ഗുജറാത്തില്‍ നിന്നും മികച്ച വിജയം തന്നെ ലഭിക്കും. സംസ്ഥാനത്ത് നിന്നുമാത്രം രണ്ടക്ക സീറ്റുകളില്‍ വിജയിച്ച് തിളക്കമാര്‍ന്ന പ്രകടനം കാഴ്ചവെയ്ക്കും.മെയ് 23ന് തെരഞ്ഞെടുപ്പ് ഫലം പുറത്തുവരുമ്പോള്‍ ബിജെപി അധികാരത്തിലെത്തില്ലെന്നും അഹമ്മദ് പട്ടേല്‍ മാധ്യമങ്ങളോട് പറഞ്ഞു.

തീവ്രവാദത്തിന് എതിരെ പടപൊരുതി വീരമൃത്യു വരിച്ച  ഹേമന്ത് കര്‍ക്കറെയെ അപമാനിച്ച മാലേഗാവ് സ്‌ഫോടന കേസ് പ്രതിയും ഭോപ്പാലിലെ ബിജെപി സ്ഥാനാര്‍ത്ഥിയുമായ സാധ്വി പ്രജ്ഞാ സിങ് താക്കൂറിന്റെ നടപടി ശരിയല്ലെന്ന് അഹമ്മദ് പട്ടേല്‍ പറഞ്ഞു. അവര്‍ വിവാദ പ്രസ്താവന പിന്‍വലിച്ചുവെങ്കിലും ഇതിലുടെ പ്രജ്ഞാ സിങ്ങിന്റെ മാനസികാവസ്ഥയാണ് വെളിവായതെന്നും അഹമ്മദ് പട്ടേല്‍ പറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com